ԱՄՆ-ում մահապատժի ենթարկեցին 5 հոգու սպանած անձին
Սեպտեմբերի 20-ին Տեխասում մահապատժի են դատապարտել մի հանցագործի, ով 12 տարի առաջ ավտոլվացման կետում սպանել է 5 մարդու (դեպքից մի քանի օր առաջ նրան աշխատանքից ազատել էին), հաղորդում է Associated Press-ը:
Ինչպես նշվում է, Ռոբերտ Ուեյն Հարիսը 1999թ. դուրս է եկել բանտից՝ ազատազրկման վայրում անցկացնելով 8 տարի գողության համար, ու աշխատանքի է անցել ավտոլվացման կետում:
2000թ. մարտին նա անպարկեշտ վարքի պատճառով հեռացվել էր աշխատանքից, ինչից մի քանի օր անց վերադարձել էր ու գնդակահարել իրեն աշխատանքից ազատած մենեջերին, գանձապահին ու 3 աշխատակցի:
Անձամբ Հարիսը չի հերքել իր մեղքը կատարած հանցագործություններում, իսկ նրա պաշտպանությունը փորձում էր խուսափել մահապատժից՝ հիմնվելով մտավոր հետամնացության փաստի վրա:
Մահապատիժն ի կատաար է ածվել մահացու ներարկման միջոցով:
