Սիրիայում ձևավորվել են քրիստոնյա սիրիացիների ապստամբական ջոկատնե՞ր
![](https://168.am/wp-content/uploads/2012/09/syria-oppos.jpg)
Սիրիայում ձևավորվել են քրիստոնյա սիրիացիների ապստամբական ջոկատներ: Համացանցում տեղադրվել է մի տեսանյութ, որում պատմվում է Սիրիայի ազատ բանակի կազմում քրիստոնեական ջոկատների ստեղծման մասին: Այս մասին հաղորդում է բրիտանական The Guardian թերթը:
Տեսագրությունում ջոկատի դիմակավոր հրամանատարը հայտարարում է. «Մենք՝ երիտասարդ հեղափոխական քրիստոնյաներս, հայտարարում ենք, որ ջոկատներ ենք ստեղծում, որը գործում է Դամասկոսի գյուղական շրջաններում»:
«Մենք ազնիվ զինվորներ ենք և կպաշտպանենք մեր երկիրը և մեր մահմեդական եղբայրներին»,- մեջբերում է պարբերականն ընդդիմադրին:
Թերթը հավելում է, որ չի կարող հաստատել տեսագրության իսկությունը: