Երևանում երթևեկության վերահսկման նոր տեսախցիկներ ու արագաչափեր կգործարկվեն
Ճանապարհային ոստիկանությունը տեղեկացնում է, որ շարունակվում են Երևան քաղաքում երթևեկության նկատմամբ վերահսկողության և իրավախախտումների արձանագրման տեսախցիկների և արագաչափ սարքերի տեղադրման աշխատանքները:
2012 թվականի սեպտեմբերի 25-ից գործարկվելու են նաև Երևան քաղաքում երթևեկության արագության նկատմամբ վերահսկողության նոր տեղադրված արագաչափ սարքերը, որոնք տեղակայված են Սիլիկյան, Պարույր Սևակի, Ռուբինյանց և Դավիթ Բեկի փողոցներում:
Ճանապարհային ոստիկանությունը կրկին հորդորում է վարորդներին պահպանել ճանապարհային երթևեկության կանոնները:
