Խմբից առանձնացած արշավականը մոլորվել էր Արագած լեռան վրա
Երեկ՝ սեպտեմբերի 16-ին, ժամը 19.49-ին ահազանգ է ստացվել, որ 4 ընկերներով, արշավ են ձեռնարկել դեպի Արագած լեռան հարավային գագաթը: Ժամը 14.00-ի սահմաններում` ճանապարհի կեսից, արշավախմբի երեք անդամներով հրաժարվել են շարունակել վերելքը: Չորրորդ անդամը` 1987թ. ծնված Ավետիս Ավետիսյանը, միայնակ, առանց կապի միջոցների շարունակել է ուղին և պայմանավորված ժամին չի վերադարձել հանդիպման վայր. անհրաժեշտ է փրկարարների օգնությունը: Դեպքի վայր է մեկնել մարզային փրկարարական վարչության փրկարար ջոկատը: Ժամը 20.49-ին ահազանգող Մուսաջիկյանը կապ է հաստատել փրկարարների հետ և հաղորդել, որ իրենց ընկերը գտնվել է և մեկ այլ արշավախմբի հետ մոտենում է իրենց: Ժամը 20.52-ին կապ է հաստատվել արշավախմբի անդամներից Լևոն Մովսիսյանի հետ, ով հաստատել է, որ Ա. Ավետիսյանին ուղեկցում են ընկերների մոտ:
