Չինաստանում ածխահանքի պայթյունի զոհերի թիվը հասել է 48-ի
Չինաստանի հարավ-արևմուտքում գտնվող Սիչուան նահանգի ածխահանքում գազի պայթյունի հետևանքով զոհերի թիվը հասել է 48-ի: Ինչպես հայտնում է «Սինհուա» գործակալությունը՝ վկայակոչելով ՉԺՀ արտադրության անվտանգության վերահսկողության պետական վարչությանը, հայտնաբերվել են վերջին երեք հանքափորների մարմինները:
Պատահարը տեղի է ունեցել օգոստոսի 29-ին, Սիչուան նահանգի վարչական կենտրոն համարվող Չենդու քաղաքից 750 կմ հարավ-արևմուտք գտնվող Պանչժիխուա քաղաքի ածխահանքում: Վթարի պահին հանքում գտնվել է 154 հանքափոր:
Վթարի պատճառով աշխատանքից հեռացվել է 4 պաշտոնյա:
