Սիրիայի կառավարական ուժերը լայնածավալ գործողություն են սկսել Դամասկոսում՝ վերջին ահաբեկչությունից հետո
Սիրիայի կառավարական բանակի ավելի քան 1000 զինվորներ մասնակցում են Դամասկոսի արվարձանում՝ Բաբիլ շրջանում, լայնածավալ գործողության: Այս մասին այսօր հայտնել է Լոնդոնում տեղակայված Մարդու իրավունքների պաշտպանության մոնիտորինգի կենտրոնը:
Ինչպես հաղորդում է Interfax-ը, գործողությունն անցկացվում է ռազմական ծանր տեխնիկայի կիրառմամբ:
Ականատեսները հայտնում են երկու կողմերի միջև դաժան մարտերի մասին: AFP գործակալությունը հաղորդում է, որ Դամասկոսում մզկիթի մոտ մահապարտ ահաբեկիչը պայթեցրել է իրեն, ինչի հետևանքով զոհվել է 5 զինծառայող, առնվազն 10 մարդ վիրավորվել է: Պայթյունի պահին հավատացյալները դուրս էին գալիս ուրբաթօրյա աղոթքից:
