Ալիևը` Սաֆարովին ներում շնորհելու մասին
Հայ սպա Գուրգեն Մարգարյանին կացնահարած ադրբեջանցի Ռամիլ Սաֆարովին ներում շնորհելու վերաբերյալ հնչած գնահատականների առնչությամբ Ադրբեջանի նախագահ Իլհամ Ալիևը հայտարարություն է տարածել:
«Սաֆարովի ներման հետ կապված Հայաստանի կողմից բարձրացված աղմուկը չունի որևէ հիմք: Սաֆարովի արտահանձնումն իրականացվել է Եվրոպական կոնվենցիային համապատասխան: Նախագահի կողմից նրան ներում շնորհելը համապատասխանում է Ադրբեջանի սահմանադրությանը:
Քաղաքական տեսանկյունից ամեն ինչ հասկանալի է: Նրանք, ովքեր խոսում են Ադրբեջանի կողմից կոնվենցիաների խախտման մասին, կա՛մ չեն տեսնում իրականությունը, կա՛մ էլ ցանկանում են մոլորության մեջ գցել հասարակական կարծիքը: Հայաստանը դա չպետք է օգտագործի Ղարաբաղյան բանակցային գործընթացին հարվածելու համար: Ադրբեջանը կողմ է հակամարտության խաղաղ կարգավորմանը»,- ադրբեջանական ANS PRESS-ի փոխանցմամբ` այս մասին հայտարարել է Իլհամ Ալիևը:
