Չինաստանում երկրաշարժի զոհերի թիվը հասել է 24-ի
Չինաստանի հարավ-արևմտյան մասում տեղի ունեցած երկրաշարժի հետևանքով զոհերի թիվը հասել է 24-ի, ևս 150-ն ստացել են վնասվածքներ:
5.7 մագնիտուդ ուժգնությամբ երկրաշարժը տեղի է ունեցել այսօր առավոտյան՝ ժ. 11.19-ին Պեկինի ժամանակով (Երևանի ժամանակով՝ ժ. 07.19-ին) Գույչժոու և Յունյանան նահանգներում: Աղետի գոտում ցնցումները դեռ շարունակվում են: Այս մասին հայտնում է ITAR-TASS-ը:
Միայն Յունյնանում ներակայում տարհանվել է 100 հազարից ավելի մարդ, հաղորդել է Չինաստանի քաղաքացիական ադմինիստրացիայի նախարարությունը: Ինչպես հաղորդում է «Սինհուա» գործակալությունը, ավերվել է 20 հազարից ավելի տուն:
Աղետի գոտում շարունակում են փրկարարական աշխատանքները: Աղետի գոտի են ուղարկվել վրաններ ու անհրաժեշտ իրեր:
