«Սիվիլիթասի» հայցը մերժվեց
Կենտրոն և Նորք-Մարաշ համայնքների ընդհանուր իրավասության դատարանն այսօր մերժեց «Սիվիլիթաս» հիմնադրամի հայցը, որով այն պահանջում էր վերացնել Ազգային անվտանգության ծառայության կողմից խոշոր չափի փողերի լվացման հատկանիշներով 25.05.2012թ. հարուցված քրեական գործը, այս մասին տեղեկանում ենք Civilnet.am կայքից։
Քրեական օրենսգրքի 190-րդ հոդվածի 3-րդ կետի («Հանցավոր ճանապարհով ստացված եկամուտներն օրինականացնելը») հատկանիշներով հարուցված քրեական գործի շրջանակում ԱԱԾ և հարկային ստուգումները
շարունակվում են:
Գործի շրջանակներում հիմնադրամի հիմնադիր, ԱԺ պատգամավոր Վարդան Օսկանյանը հրավիրվել է հարցաքննության, սակայն չի ներկայացել՝ քրեական գործը համարելով «քաղաքական պատվեր»:
