Էրդողանը սեպտեմբերին կայցելի Բաքու
Թուրքիայի վարչապետ Ռեջեփ Էրդողանը կայցելի Ադրբեջան: Նախնական տվյալներով` այցը տեղի կունենա սեպտեմբերի 11-12-ին:
Այցի նպատակը Ադրբեջան-Թուրքիա դիվանագիտական համագործակցության խորհրդի նիստի հերթական մասնակցությունն է: Այժմ նախապատրաստվում են համապատասխան փաստաթղթեր: Այս մասին հայտնում են ադրբեջանական լրատվամիջոցները:
2010 թ-ի օգոստոսի 16-ին Ստամբուլում Ադրբեջանի նախագահ Իլհամ Ալիեւը եւ Թուրքիայի նախագահ Աբդուլա Գյուլը ստորագրել են Ադրբեջանի եւ Թուրքիայի միջեւ փոխադարձ օգնության շուրջ դիվանագիտական համագործակցության համաձայնագիր:
