Հալեպում մարտերը վերսկսվել են
Սիրիայի Հալեպ քաղաքի Սալահադդին թաղամասում վերսկսվել են մարտերը: Ընդդիմության ակտիվիստները հաղորդում են, որ կառավարական ուժերը սկսել են հարվածեր հասցնել իրենց դիրքերին:
Ինչպես հաղորդում է BBC-ն, ակտիվիստների պնդմամբ՝ կառավարական ուժերը կիրառում են ուղղաթիռներ: Սիրիայի իշխանությունները, սակայն, հերքում են, որ Սալահադդինը գտնվում է ընդդիմադիրների վերահսկողության տակ:
Երեկ հաղորդվում էր, որ սիրիական բանակի ուժերը Հալեպում կարողացել են կործանիչ հարված հասցնել ապստամբներին: Սիրիայի պետական հեռուստաալիքի հաղորդմամբ՝ Սալահադդին թաղամասում մեծ թվով ընդդիմադիրներ են սպանվել:
