Թանկարժեք մկնիկը
OreObject 2 ընկերությունն ամիսներ առաջ թանկարժեք իրերի սիրահարների համար համակարգչային հատուկ մկնիկ է ստեղծել` Sphere 2-ը, որի ստեղծման գործում օգտագործվել են ամենաառաջատար տեխնոլոգիաները: Մկնիկը պատրաստված է բարձր որակի չժանգոտվող պողպատից և զարդարված է «Սվարովսկի» թանկարժեք քարերով: Նման պողպատը սովորաբար օգտագործվում է վիրաբուժության մեջ: Ընդ որում, ցանկացողները կարող են գնել նաև երեք տեսակի մետաղներով` ոսկուց, տիտանից կամ պլատինից պատրաստված մկնիկը: Sphere 2-ը բազմաֆունկցիոնալ է, հարմար տեղավորվում է ձեռքի ափի մեջ, շրջանաձև պտտվում է: Տիտանից պատրաստված մոդելն ավելի էժան է վաճառվում` մոտ 185 դոլարով, ոսկյա մոդելը` 290 դոլարով: Ամենաթանկը վաճառվում է պլատինե մոդելը` 320 դոլարով:
