Ինչ կա աշխարհի ամենագեղեցիկը համարվող փոքր տան ներսում

Escape Vista-ն փոքր բնակարան է։ Ինչպես գրում է forbes.com-ը, դրա գինը սկսվում է 46.000 դոլարից։

Կայքի փոխանցմամբ՝ նմանատիպ գրեթե բոլոր փոքր տները լի են իրերով, նեղ են, մութ, անհարմար։ Եթե կարծում եք, թե փոքր տարածում ապրելով՝ պետք է տանջեք ձեզ, ապա այդ գաղափարն այնքան էլ ողջունելի չէ։

Այս շենքերը լուսավոր են, ունեն պատուհաններ, կահավորված են ըստ անհրաժեշտության՝ խոհանոց, մեծ լոգարան՝ ցնցուղով և կոսմետիկայի համար անհրաժեշտ պարագաներով, ունեն մեծ մահճակալ, աշխատելու համար նախատեսված տարածք։

Հասկանալի է, որոշ մարդիկ իրոք փոքր տարածք են ցանկանում, բայց առաջին մեկնաբանությունը, որ մարդիկ անում են, երբ մտնում են Vista, հետևյալն է՝ «Այն աննկարագրելիորեն մեծ և բաց է։ Նմանատիպ շինությունները սովորաբար մութ են լինում, իսկ Vista-ն շրջապատված է ապակիներով, որոնք ջերմամեկուսիչ են։

Այս տանը որոշ իրեր թողնված են ոչ թե դրսում, այլ պահվում են դրանց համար նախատեսված վայրերում, ինչն օգնում է նաև տարածք խնայել։ Օգտագործված են նաև բացվող սեղաններ, ինչի արդյունքում՝ դրանք ավելորդ տեղ չեն գրավում, սակայն ցանկության դեպքում կարող են օգտագործվել։ Կան առանձնացված գաղտնի հատվածներ՝ թանկարժեք իրերը պահելու համար, ինչպես նաև գաղտնի վայրեր, որոնց մասին տեղյակ են միայն սեփականատերերը։ Փոքր լինելու արդյունքում՝ շինության համար քիչ էներգիա է պահանջվում։

Փոքր տները միանգամից չեն ստեղծվել։ Դրանց մասին մտածել սկսել են դեռ 1990-ականներից, ապա՝ կառուցել դրանք, կահավորել։ Դրանք նախագծելն այնքան էլ հեշտ չէ, քանի որ փոքր տարածքում կարևոր է յուրաքանչյուր միլիմետրը. ամեն ինչ պետք է մանրամասն հաշվարկել: Vista-ն կառուցելու համար ոգեշնչվել են «Ապակիներով տնից» (Farnsworth house): Այն գտնվում է ԱՄՆ Իլինոյս նահանգում, կառուցվել է ճարտարապետ Լյուդվիգ Միս վան դեր Ռոեի նախագծով։

Նյութը հրապարակման պատրաստեց 168.am-ը