Հայտնի են Նեյմարի վերադարձի ժամկետները
«Բարսելոնայի» հարձակվող Նեյմարը դեռևս չի միացել կատալոնական թիմին: Հիշեցնենք, որ նա մասնակցում էր Օլիմպիական խաղերին, որտեղ Բրազիլիայի հավաքականը նվաճեց ոսկե մեդալները:
Նեյմարը կատալոնական ակումբի հետ պայմանագիրը ստորագրելիս նշել էր իր պայմանները, ըստ որոնց՝ նա պետք է մնա հավաքականի ճամբարում որքան անհրաժեշտ է: Հաշվի առնելով այս պայմանները՝ Նեյմարը կմնա հավաքականում մինչ սեպտեմբերին կայանալիք ընտրական հանդիպումները:
Բրազիլիայի հավաքականը սեպտեմբերի 2-ին հանդիպում ունի Էկվադորի ընտրանու հետ, իսկ սեպտեմբերի 7-ին բրազիլացիները կմրցեն Կոլումբիայի հավաքականի հետ:
Բրազիլիայի հավաքականի մյուս ֆուտբոլիստը՝ Ռաֆինյան, արդեն իսկ վերադարձել է «Բարսելոնա»:
Սիրարփի Աղաբաբյան
