Խաղից առաջ. «Լիվերպուլ»-«Վիլյառեալ»
Քիչ հետո կկայանան Եվրոպա լիգայի խաղարկության կիսաեզրափակիչ փուլի պատասխան հանդիպումները:
«Էնֆիլդ» մարզադաշտում կմրցի «Լիվերպուլ»-«Վիլյառեալ» զույգը: Առաջին խաղում իսպանական ակումբի ֆուտբոլիստները վերջին պահին փախցրին հաղթանակը՝ խփելով մեկ գնդակ:
Չնայած «Վիլյառեալն» «Էնֆիլդ» է մեկնում շատ հարմար հաշվով, միևնույն է, հաղթանակը դեղին սուզանավին նվիրելը սխալ կլինի: Եվրոպա լիգայի քառորդ եզրափակչում լիվերպուլցիները ցույց տվեցին, թե որն է իսկական comeback-ը և հաղթեցին հսկայական առավելություն ունեցող Դորտմունդի «Բորուսիային»:
Հետաքրքիր է, որ պատմության ընթացքում այս թիմերը հանդիպում էին առաջին անգամ:
Անգլիական ակումբը խաղին է մոտենում կորուստներով: Խաղին չեն մասնակցի Օրիջին, Հենդերսոնը, Ինգսը, Գոմեսը և Սախոն: Իսպանական ակումբում բացակայող ֆուտբոլիստներ չկան:
Բուքմեյքերներն այս խաղում հավատում են «Լիվերպուլի» հաղթանակին: Նրանց հաղթանակի գործակիցը 1.70 է: Իսպանական ակումբի հաղթանակը գնահատվում է 5.20, իսկ ոչ-ոքին՝ 3.70:
Խաղը կմեկնարկի Երևանի ժամանակով 23:05-ին:
Սիրարփի Աղաբաբյան