Թուրքիայում հրաժարական է տալու 3 նախարար. Դավութօղլու
CNN Türk-ի փոխանցմամբ՝ Թուրքիայի վարչապետ Ահմեթ Դավութօղլուն երեկ մեկնել է Պորտուգալիա: Դավութօղլուն այցից առաջ Անկարայի «Էսենբողա» օդանավակայանում լրագրողների հետ ունեցած զրույցում հայտարարել է, որ զբաղեցրած պաշտոններին հրաժեշտ են տալիս արդարադատության նախարար Բեքիր Բոզդաղը, տրանսպորտի նախարար Լյութֆի Էլվանը և ներքին գործերի նախարար Էֆքան Ալան:
Դավութօղլուն շնորհակալություն է հայտնել նրանց և ընդգծել է, որ նրանց հրաժարականը կապված է հունիսի 7-ին կայանալիք խորհրդարանական ընտրությունների հետ: Դավութօղլուի խոսքերով՝ արդարարդատության նախարար է դառնալու Քենան Իփեքը, ներքին գործերի նախարար՝ Սեբահաթթին Օզթյուրքը, իսկ տրանսպորտի նախարար՝ Ֆերիդուն Բիլգինը:
Դավութօղլուն հայտարարել է, որ հունիսի 8-ին Թուրքիայում կձևավորվի նոր կառավարություն:
