Բանկային համակարգի վարկերը, վերջին տվյալներով, մոտենում են 21 մլրդ դոլարի, որից ամենամեծ պորտֆելը հենց կարճաժամկետ դրամային վարկերն են։ Այդպիսի վարկերը, որոնք ունեն գերազանցապես սպառողական նշանակություն, մոտենում են 5 մլրդ դոլարի։ Դրանք ոչ միայն թանկ վարկեր են, այլև, ինչպես տեսնում ենք, գնալով թանկանում են։ Իշխանությունն էլ ոչինչ չի անում բանկերի ախորժակը զսպելու համար։
Հայաստանում վարկերի նկատմամբ հսկայական պահանջարկ կա՝ հատկապես շինարարության, հիփոթեքի, սպառողական վարկավորման հատվածում, ասում է Կենտրոնական բանկի նախագահը։ Այդ պահանջարկն էլ բերել է վարկերի թանկացման։
