Տավուշի մարզի Իջևանի Աչաջուր գյուղի բնակիչ Սևադա Ղուկասյանը չի հավատում, որ իր համերկրացի Նիկոլ Փաշինյանն իր հռչակած «խաղաղության պայմանագրով» Հայաստանին խաղաղություն կբերի։ Ասում է՝ քանի անգամ էշով է եկել Երևան՝ փորձելով Նիկոլ Փաշինյանին տուն տանել ու երկիրը փրկել աղետից՝ չի ստացվել, իրեն բերման են ենթարկել, հետո բաց թողել, ու ստիպված առանց Նիկոլ Փաշինյանի է վերադարձել Իջևան։
«Սուտ լուրերը հիմնականում տարածվում են այն մարդկանց կողմից, որոնք լավ գիտեն, որ իրենք կեղծում են։ Իշխանությունը «ղալաթ» է անում, իրենք բոլորից լավ գիտեն, որ այսօր Տավուշին ավելի մեծ վտանգ է սպառնում, այդ թվում՝ Հայաստանին»։
