#Ռուբիկ Մխիթարյան

Մինչ արդարադատության նախարար Գրիգոր Մինասյանն իր ընկեր-գործընկեր Կարեն Անդրեասյանի հետ միասին կարգավորում է իր հետ առնչվող որոշակի իրավական հարցեր, Արդարադատության նախարարությունում (ԱՆ)՝ բախտի, իսկ ավելի ստույգ՝ «հեղափոխության» բերմամբ հայտնված «կադրերը» հետևողականորեն փլուզում են կառույցը:

Այսօր Վերաքննիչ քրեական դատարանի դատավոր Ռուբիկ Մխիթարյանը հերթական անգամ Ազգային ժողովում (ԱԺ) էր, ուր տեղի էր ունենում Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի թափուր տեղի համար առաջադրված թեկնածուների ընտրությունը:

Ինչպես հայտնի է, դեկտեմբերի 5-ին Վերաքննիչ քրեական դատարանում կոռուպցիոն հանցագործությունների գործերով բողոքարկման ենթակա դատական ակտերի վերանայումն իրականացնող առանձին դատավոր Սերգեյ Մարաբյանը դարձավ Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավոր:

Այսօր ԱԺ նիստում քննարկվում է Վճռաբեկ դատարանի դատավորի թեկնածուի ընտրության հարցը:

Սերգեյ Մարաբյանը ոչ Մանվել Շահվերդյան է, ոչ էլ, առավել ևս՝ Ռուբիկ Մխիթարյան՝ թե իր մասնագիտական որակներով, և թե դատավորի աշխատանքի ու դատավորի անկախության մասին իր պատկերացումներով: Ուրեմն ո՞րն է Սերգեյ Մարաբյանի մոտիվացիան՝ Ռուբիկ Մխիթարյանի համար որպես վարագույր ծառայելու: Դա, նախ, ամոթալի է, ապա՝ հակաբարոյական, ու Սերգեյ Մարաբյանը դա չի կարող չհասկանալ: