Գուցե ավելորդ չէ հիշել, որ Գոհար Աբաջյանը Հայաստանի ԱԳ նախարար Արարատ Միրզոյանի կինն է, և նրա նշանակումը Ներդրումների աջակցման հիմնադրամի գործադիր տնօրենի պաշտոնում առաջացրեց հանրային մեծ ուշադրություն ու քննադատություն: Այդ հիմնադրամը, այսպես ասած՝ պետական է, դրա հոգաբարձուների խորհուրդը կազմված է կառավարության անդամներից, և, փաստորեն, ԱԳ նախարար Արարատ Միրզոյանն այդ հիմնադրամի հոգաբարձուների խորհրդի անդամ է, իսկ նրա կինը՝ հիմնադրամի գործադիր տնօրեն:
Ներդրումներ ներգրավելու ու ներդրողներին աջակցելու անվան տակ կառավարության ստեղծած ներդրումային հիմնադրամները դարձել են փող լվանալու միջոց։ Այդ հիմնադրամները շատ հաճախ նպաստել են ոչ թե ներդրումների խթանմանը, այլ ծառայել են ծանոթ-բարեկամներին աշխատանքով ու բարձր աշխատավարձով ապահովելուն, սրա-նրա անձնական բիզնես հետաքրքրությունները բավարարելուն, պետական փողերն անհասկանալի ծրագրերում ներդնել ու տանուլ տալուն։
Այսօր փոխվարչապետ Տիգրան Խաչատրյանը «Ներդրումների աջակցման կենտրոն» հիմնադրամի անձնակազմին է ներկայացրել հիմնադրամի նորանշանակ տնօրեն Գոհար Աբաջյանին: Այս մասին հաղորդում է Կառավարության մամուլի ծառայությունը։
