Այս օրերին Նիկոլ Փաշինյանի՝ Հայ Առաքելական Եկեղեցու «բարենորոգման» կրոնաքաղաքական գործողությունների ծրագրի համատեքստում դարձյալ թիրախում բանակն է, զինվորականները, ռազմական ղեկավարությունը, քանի որ «փաշինյանական» պատարագներին, ուխտերթին մասնակցել են նաև ՀՀ պաշտպանության նախարարության, ռազմական ոստիկանության աշխատակիցներ, պաշտոնյաներ, սպաներ՝ համազգեստով և առանց համազգեստի, կամ՝ ծպտյալ և ոչ ծպտյալ:
Մայր Աթոռի Տեղեկատվական համակարգին 168.am-ը հարց էր ուղղել՝ ինչպե՞ս եք գնահատում մի շարք եկեղեցականների հայտարարությունները այսպես կոչված՝ բարենորոգման ծրագրին միանալու վերաբերյալ։
