«800 տարի պետականություն չի ունեցել այս ժողովուրդը, չի հասկանում՝ պետականությունն ինչ բան է, անկախությունն ինչ բան է: Իր համար միայն իր ընտանիքն է ու իր ստամոքսը: Այսօր էլ նստած սպասում է, թե երբ են Ծառուկյանի կամ Սամվել Ալեքսանյանի բիզնեսը վերցնելու ու բաժանեն իրենց: Էս ժողովուրդը սիրում է հաց ու թամաշա: Ու հիմա էլ է թամաշայի սպասում՝ առանց գիտակցելու, որ մենք ենք աշխարհի համար այսօր թամաշա դարձել»:
«Վաղը ժամը 18:00-ին փակում ենք Երևանի փողոցները». ՀՅԴ երիտթևի անդամ
Հանրապետության հրապարակում ծածանվում է եռագույնը. հնչում է ՀՀ օրհներգը
Ազգային ժողովի «Լուսավոր Հայաստան» խմբակցությունը նախաձեռնել է խորհրդարանական լսումներ՝ քննարկելու երկրում ստեղծված իրավիճակից ելքերը և ներկայացնելու անհրաժեշտ գործողությունների ճանապարհային քարտեզը։ 168 TV-ի «Ռեվյու» հաղորդաշարի եթերում խմբակցության պատգամավոր Անի Սամսոնյանը, անդրադառնալով այդ լսումներին, նշեց, որ սա շատ լավ հնավորություն է քննարկելու մարդկանց տեսակետներն ու առաջարկները, ինչպես նաև ստեղծված իրավիճակը փրկելուն միտված լուծումները՝ հատկապես հասարակության այն շերտերի համար, որոնք փողոցային պայքարի տարբերակի կողմնակից չեն։
«Նիկո՛լ, դավաճան». ցուցարարները վանկարկում են Կառավարության առջև
«Փաշինյանը և իր անհայրենիք թիմը հեռանալու են». ՀՅԴ ԵՄ ներկայացուցիչ
«Անթասիբը դու ես, Նիկոլ Փաշինյան». ՀՅԴ-ական երիտասարդը՝ վարչապետին
«Նիկոլ Փաշինյանը երկիրը հասցնելով այս վիճակին՝ հանձնելով Արցախը, խլելով հազարավոր երիտասարդների կյանքեր, թողնելով հարյուրավոր գերիներ, այսօր փորձում է ամեն ինչ բարդել զինվորականների և ՀՀ քաղաքացու վրա»,- «Արժանապատվության» երթի ընթացքում հայտարարեց ՀՅԴ Հայաստանի երիտասարդական միության անդամ Արգիշտի Գևորգյանը:
Դաշնակցության երիտասարդական միության ներկայացուցիչները «Նի-կոլ, դա-վա-ճան» վանկարկումներով շարունակում են «Արժանապատվության» երթը։
Օպերայի բակից մեկնարկել է «Արժանապատվության» երթը՝ վարչապետ Նիկոլ Փաշինյանի հրաժարականի պահանջով: Մինչև երթի սկիզբը ՀՅԴ ՀԵՄ կենտրոնական վարչության անդամ Գոռ Սարգսյանը լրագրողների հետ զրույցում ասաց, որ գործող իշխանության վարած քաղաքականության պատճառով ենք տանուլ տվել պատերազմը:
Երթի ժամանակ լրագրողների հետ զրույցում «Մեդիապաշտպան» նախաձեռնության ներկայացուցիչ Էդգար Խաչատրյանն ասաց, որ «Մեդիապաշտպանն» այսօր դիտարկումներ է անցկացնելու ընթացող երթի ժամանակ, նկատի ունենալով երեկվա դեպքերը, մասնավորապես, երբ Մաշտոցի փողոցը փակելու ժամանակ ոստիկաների բիրտ միջամտության արդյունքում վնասվել էր «Երկիր Մեդիա» հեռուստաընկերության տեսախցիկը:
«Ես ուզում եմ հասկանալ, երբ ինքն ասում է՝ ես կրում եմ պատասխանատվություն, ինչո՞վ է արտահայտվելու իր պատասխանատվություն կրելը»,- լրագրողների հետ զրույցում ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը, որը ևս գտնվում էր Ազատության հրապարակում, և որտեղից այսօր երեկոյան մեկնարկեց Նիկոլ Փաշինյանի հրաժարականի պահանջով «Արժանապատվության» երթը:
«Ես ինքս այնքան հարցեր ունեմ Արցախում տեղի ունեցածի հետ կապված, որ բացարձակապես ոչինչ այլևս չեմ բացառում, բայց այս հարցերում նման բաներին հավատալ-չհավատալով առաջնորդվելը սխալ է: Մեկն ավելի շատ է հավատում, մյուսը՝ մի քիչ պակաս: Սրանք բոլորը հարցեր են, որոնց պատասխանը քննությունը պիտի տա: Ուստի պիտի իրականացվի ամբողջական քննություն՝ սկսած նրանից, թե 2 տարի առաջվանից մեր Զինված ուժերում ինչ է տեղի ունեցել, ի՞նչ սպառազինություններ են ձեռք բերվել, պլանավորված ի՞նչ սպառազինություններ ձեռք չեն բերվել»։
Փաշինյանի հրաժարականի պահանջով «Արժանապատվության երթ». ՈՒՂԻՂ
«ՓՄՁ համագործակցության ասոցիացիայի» նախագահ Ռուբեն Օսիպյանի խոսքով՝ կանխատեսումներ կան, որ տնտեսության ընդհանուր վիճակը վատթարանալու է, աշխատանքային ռեսուրսների, աշխատանքի խնդիր կա, նաև մոտիվացիայի խնդիր են տեսնում։
«Առաջարկում եմ պարբերական հանդիպումներ ու քննարկումներ ունենանք և կոնկրետ խնդիրների շուրջ: Կոնկրետ գյուղատնտեսության ոլորտում կան բազմաթիվ խնդիրներ, որոնք հնարավոր է լուծել և տեսնել արդյունքներ: Օրինակ, մինչև օրս կատարված ծրագրերը, կարծում եմ՝ պետք է վերանայել, գնահատել՝ ինչ արդյունք տվեցին: Իմ առաջին գնահատականն այն է, որ դրանք այդքան էլ փոփոխություն չբերեցին, բացառությամբ կոնկրետ դեպքերի: Հիմա կրկին պնդում եմ՝ գյուղատնտեսական կոոպերատիվների զարգացման շուրջ, որի զարգացումն արդիական է: Այսօր գաղտնիք չէ, որ օրենքն արդեն մի քանի տարի գործում է, բայց որևէ նպաստավոր պայման գյուղատնտեսության մեջ կոոպերատիվների զարգացմանը չբերեց, խնդիրները թե՛ հարկային դաշտում են, թե՛ կոնկրետ կազմակերպչական տեսանկյունից: Այս ամենը պետք է վերադարձնենք օրակարգ, առկա է բոլոր ռեսուրսը, պետք է եզրահանգումներ անենք ու լուծումներ գտնենք»,- նշեց Արթուր Գոմկցյանը:
«Ես չեմ հասկանում, թե մեր ժողովրդի հետ ի՞նչ է պատահել, ընդհանուր ամնեզիայի մեջ է, շողոքորթության, ստախոսության, ստորագույն խոստումներով, ասում եմ՝ ստորագույն, որովհետև դրանցից ոչ մեկը չի կատարվել, բերեցին իշխանության, թե ի՞նչ եղավ հետո, ժողովուրդը լավ գիտի: Ի՞նչ դաժան, չար ոգի էր, էդ չար ոգին, չար սերմն ո՞վ էր սնել և ի՞նչ սնունդով էր սնել, վրիժառության սնունդով, ոչ միայն այն մարդկանց, ովքեր պնդում էին, որ իրենցն է իշխանությունը, բայց զավթել են Ռոբերտ Քոչարյանն ու Սերժ Սարգսյանը: Նրանց վրիժառությանը, ագրեսիային չափ ու սահման չկար, արյունահեղության ծարավ, այունահեղության հեղինակներ էին, մեջտեղ գցեցին ամենակեղտոտ արտահայտությունը՝ ղարաբաղցիներ և հայաստանցիներ»,- ասաց Դավոյանը:
Կառավարության շենքի դիմաց այսօր կրկին հավաքվել էին Արցախում գտնվող ժամկետային զինծառայողների հարազատները: Նրանք մի քանի անգամ հանդիպել են կառավարության ներկայացուցիչների հետ, ինչպես նաև Պաշտպանության նախարարության ներկայացուցիչների հետ:
ԱԺ տնտեսական հարցերի հանձնաժողովում տեղի է ունենում աշխատանքային քննարկում՝ փոքր, միջին ձեռնարկատերերի մասնակցությամբ՝ քննարկվում են ՓՄՁ աշխատանքային խմբի աշխատանքի շարունակության ու հանդիպումների պարբերականության հարցերը:
Մեդիափորձագետ Տիգրան Քոչարյանի կարծիքով՝ մենք այս պատերազմում պարտվեցինք, քանի որ վարչապետ Նիկոլ Փաշինյանն ի վիճակի չէ ճգնաժամային իրավիճակում երկիր ղեկավարել: Նրա խոսքով՝ դա պարզ էր արդեն այն ժամանակ, երբ մեր երկիրը բախվեց առաջին ճգնաժամին՝ կորոնավիրուսին:
«Հայաստանի փոքրիկ երգիչներ» երգչախմբի գեղարվեստական ղեկավար ու գլխավոր դիրիժոր Տիգրան Հեքեքյանի կարծիքով՝ պատերազմից հետո մենք ունենք լիակատար անորոշություն բոլոր բնագավառներում: Նրա պնդմամբ՝ Հայաստանում լիակատար քաղաքական, տնտեսական ճգնաժամ է, բայց հիմա շատ ավելի կարևոր է այս իրավիճակից դուրս գալը:
Լարված իրավիճակ՝ Իջևանում
Ռազմիկ Դավոյանը՝ Հայաստանում տիրող իրավիճակի մասին. ՈւՂԻՂ
Արամ Հարությունյանը՝ Հայաստանում տիրող իրավիճակի մասին. ՈւՂԻՂ
Գագիկ Խաչատրյանի փաստաբան Երեմ Սարգսյանի ճեպազրույցը. ՈՒՂԻՂ
Տիգրան Քոչարյանը՝ բողոքի ակցիաների, վարչապետի հրաժարականի պահանջի մասին. ՈւՂԻՂ
«Նիկոլ Փաշինյանն ինչո՞ւ չի ասում՝ նա դիմե՞լ է ադրբեջանական կողմին, պահանջե՞լ է ադրբեջանական կողմից գերիների և զոհվածների հարցը ակտուալիզացնել, և ադրբեջանական կողմը մերժել է՝ ասելով՝ ոչ, մենք սպասում ենք, մինչև դուք ձեր պետականությունը քանդեք: Նիկոլ Փաշինյան, դու պետք է այդ հարցը բարձրացնեիր, առաջ քաշեիր, այլ ոչ թե նստես-սպասես՝ մինչև ռուսը քո խնդիրները կլուծի, իսկ վատ Ալիևն էլ գերիներին չի վերադարձնում, որովհետև ինչ-որ չար ուժերը մինի դրսևորումներ են ցուցաբերում»:
«Պրեսսինգ» հաղորդաշարի հյուրը ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանն է։
Սոթքի ոսկու հանքը, որի մի մասը, ՊՆ ԳՇ պետի տեղակալ Տիրան Խաչատրյանի խոսքով, նոյեմբերի 9-ին ստորագրված հայտարարության համաձայն՝ մնալու է հայկական կողմում, մյուս մասը՝ ադրբեջանական, նոյեմբերի 27-ից չի աշխատում: Նոյեմբերի 26-ին հայտնի դարձավ, որ ադրբեջանական զինուժի ներկայացուցիչները մտել են հանքի տարածք, պահանջել, որ աշխատակիցները դուրս գան հանքից:
«Միացյալ Թագավորությունից Հայաստան են ժամանում Շտապ բուժօգնության բժիշկներ այն դեպքում, երբ, ըստ ԱՀԿ տվյալների, Հայաստանը կորոնավիրուսի տարածվածության մակարդակով 10-րդ տեղում է, իսկ Միացյալ Թագավորությունը՝ 7-րդ, մահերի քանակով Հայաստանը 20-րդ տեղում է, իսկ Միացյալ Թագավորությունը՝ 5-րդ, մահացության մակարդակը մեզ մոտ 3.6 տոկոս է, այնտեղ՝ 1.6 տոկոս։ Հիմա ուզում եմ հասկանալ, թե մեզանից ավելի վատ վիճակում գտնվող երկրից Շտապ բուժօգնության աշխատողները գալիս են Հայաստան, որ ի՞նչ անեն, ինչ սովորեցնեն»,- ասաց Գևորգյանը։
