2015 թվականի նույն ժամանակահատվածում ներմուծման գծով մաքսային մարմիններին կատարված վճարումները կազմել են 7,418,339.0 հազար դրամ: Այսինքն, նախորդ տարվա նույն ժամանակահատվածի համեմատությամբ իրականացված ներմուծման ծավալների նվազման արդյունքում մաքսային մարմիններին պակաս է վճարվել շուրջ 913 միլիոն դրամ:
Պետական եկամուտների կոմիտեի իրավախախտումների հայտնաբերման ու վարչական վարույթների իրականացման վարչությունը 2016թ. հոկտեմբերին պետական բյուջե է վերականգնել ավելի քան 117 մլն դրամ: Վարչության հետաքննության բաժնում ստացված նյութերից 44-ով հարուցվել է քրեական գործ, 21 նյութով մերժվել է քրեական գործի հարուցումը, իսկ 18 նյութ ընթացքի մեջ է:
Դեկտեմբերի 9-ին Ազգային ժողովում կկազմակերպվեն լսումներ «Տնտեսական բաղադրիչը արտաքին քաղաքականության մեջ» թեմայով: Ինչպես այսօր ԱԺ Արտաքին հարցերի մշտական հանձնաժողովի նիստում տեղեկացրեց հանձնաժողովի նախագահ Արտակ Զաքարյանը, այս լսումները նախատեսվում էին դեռևս ապրիլի 12-ին, սակայն ապրիլյան պատերազմը խոչընդոտեց:
Հայաստանում 2016 թվականի հոկտեմբերին սեպտեմբերի համեմատ սպառողական շուկայում արձանագրվել է 0.5 տոկոս գնաճ: ՀՀ Ազգային վիճակագրական ծառայության հրապարակած տվյալների համաձայն՝ 2016թ. հոկտեմբերին 2015թ. դեկտեմբերի համեմատ սպառողական գների ինդեքսը կազմել է 96.9%:
Գաղտնիք, ինչպես ասում էր վարչապետը, իրոք չկա: Փոխարենը՝ կա մտավախություն՝ «Գազպրոմը» ռիսկի է գնում։
«2015 թ. աղքատների ընդհանուր թվաքանակը կազմել է մոտ 900 հազար մարդ՝ մշտական բնակչության ցուցանիշի հաշվով։ Նրանցից շատ աղքատների թվաքանակը՝ ներառյալ ծայրահեղ աղքատները` մոտ 310 հազար, այդ թվում ծայրահեղ աղքատներ ՝ 60 հազար մարդ»,- ասաց նա:
Հետագայում ընկերություններից մեկը օֆշորային գոտի հանդիսացող Բրիտանական Վիրջինյան կղզիներում գրանցված «Ակ Ընդ Ակ Բիլդինգ Թեքնոլոջիս Լիմիթեդ» ընկերությունն այդ բազմաբնակարան շենքից բնակարաններ և ավտոկայանատեղիներ է վաճառել, սակայն դրանցից բխող հարկային պարտավորությունների մասով հարկային տեսչություն չի ներկայացրել համապատասխան հաշվարկ-հաշվետվություններ և չի կատարել հարկային պարտավորությունները:
«Ստուգումների ռիսկային չափանիշները քարացած չեն և ցանկացած պահի վերանայման ենթակա են»,- ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ հայտարարեց Պետական եկամուտների կոմիտեի (ՊԵԿ) փոխնախագահ Վախթանգ Միրումյանը` հավելելով, որ իրենց խնդիրն է՝ ստվերի կրճատման, վարչարարական մեխանիզմների արդյունքում բացը լրացնել, և հաջորդ տարի ակնկալվում է հավաքել 24.2 մլրդ դրամ հարկ:
«Այս տարվա առաջին 10 ամիսներին Հայաստանը Եվրասիական տնտեսական միության կաթսայից 16.2 մլրդ դրամ ավելի շատ է ստացել, բայց ավելի քիչ է փոխանցել»,- այսօր ԱԺ Տնտեսական հարցերի և Ֆինանսավարկային ու բյուջետային հարցերի մշտական հանձնաժողովների նիստում 2017թ. բյուջեի նախագծի քննարկումների ժամանակ հայտարարեց Պետական եկամուտների կոմիտեի (ՊԵԿ) փոխնախագահ Վախթանգ Միրումյանը` հավելելով, որ, թեև դեռևս ավելի շատ ենք ստացել, բայց անցած տարվա համեմատ՝ 3.6 մլրդ քիչ է:
Ինչպես այսօր ԱԺ Տնտեսական հարցերի և Ֆինանսավարկային ու բյուջետային հարցերի մշտական հանձնաժողովների նիստում 2017թ. բյուջեի նախագծի քննարկումների ժամանակ հայտարարեց Պետական եկամուտների կոմիտեի (ՊԵԿ) փոխնախագահ Վախթանգ Միրումյանը` դա կազմում է ՀՆԱ-ի 21%-ը, որն այս տարվա ցուցանիշը գերազանցում է 0.3%-ով:
Պետական եկամուտների կոմիտեի (ՊԵԿ) նախագահ Վարդան Հարությունյանն այսօր ԱԺ-ում լրագրողների հետ զրույցում հերքեց, որ իրեն երկար ժամանակ համոզում էին դառնալ ՊԵԿ նախագահ: «Նման բան չկա»,- ասաց նա:
«Մի ամիս է, ինչ ես բիզնեսի ներկայացուցիչ չեմ, 25 տարի եղել եմ շատ խոշոր բիզնեսի ներկայացուցիչ: Լավ գիտեմ բիզնեսի ունեցած պրոբլեմները և այն խնդիրները, որոնք պետք է լուծել բիզնեսի համար, որպեսզի դաշտն ավելի բաց լինի: Այնպես որ, քայլերը կանենք, կտեսնեք»,- այսօր ԱԺ-ում լրագրողների հետ զրույցում հայտարարեց ՊԵԿ նախագահ Վարդան Հարությունյանը:
«Աղբյուրները 4-ն են: Դրանցից մեկը Ռուսաստանից Հայաստան հասնող գազի տարանցման գնի նվազումն է: Այդ տարանցման պայմանագրի ժամկետը լրանում է 2017 թ. հունվարի 1-ին: Այս պահին վրացական կողմի հետ բանակցություններ են ընթանում տարանցման սակագները նվազեցվելու ուղղությամբ: Այդ նվազեցման հաշվին խնայված բոլոր գումարները կուղղվեն խնդրի լուծմանը»,- ասաց Նազարյանը:
«600 մլն կվտ/ժամ էլեկտրաէներգիա է արտադրում, ո՞րն է պատճառը, որ մինուս է, երբ Նախարարության ուղիղ անձնական կառավարման մոդելի տակ է»,- այս մասին ԱԺ տնտեսական հարցերի և ֆինանսավարկային ու բյուջետային հարցերի մշտական հանձնաժողովների նիստում հայտարարեց Վարդան Այվազյանը:
Այսօր ԱԺ մշտական հանձնաժողովների նիստում 2017 թ. բյուջեի նախագծի քննարկումների ժամանակ Հանրային ծառայությունները կարգավորող հանձնաժողովի նախագահ Ռոբերտ Նազարյանը ներկայացրեց, որ հաջորդ տարի հանձնաժողովին կհատկացվի 791մլն դրամ, որից գնումների համար` 69 մլն դրամ:
Բացի ներդրումային միջավայրի բարելավումից, Ս.Կարայանի խոսքով, պետք է ներդրվի ներդրողների պաշտպանության ինստիտուտ, որի մասին օրենքը շուտով կներկայացվի ԱԺ, ներդրողների համար առավել առևտրային բարենպաստ ռեժիմների ստեղծում և հեշտ մուտք այլ շուկաներ, ԵՏՄ անդամակցության ընձեռած հնարավորությունների առավելագույն օգտագործում:
Այժմ «Նաիրիտի» ղեկավարումը հանձնում են մի մարդու, որը սերտ առնչություն է ունեցել կոռուպցիոն պատմության հետ: Այն էլ այն ժամանակաշրջանում, երբ «EU-ASIA buisness finance centre» միջազգային հոլդինգը դիմել է ՀՀ կառավարությանը` գործարանի ղեկավարումը ստանձնելու և ներդրումներ իրականացնելու համար:
ՀՀ ֆինանսների փոխնախարար Ատոմ Ջանջուղազյանի խոսքով՝ բյուջեի վրա ազդեցություն են ունեցել նախորդ ժամանակաշրջանում սակագնային, կառուցվածքային փոփոխությունների առկայությունը, կատարողականի փաստացի ցուցանիշները:
Հայաստանում 2016 թվականի հունվար-սեպտեմբերին արտադրվել է 13 մլն 503.3 հազար լիտր կոնյակ։ ՀՀ Ազգային վիճակագրական ծառայության հրապարակած տվյալներով, 2015 թվականի հունվար-սեպտեմբերի համեմատ կոնյակի արտադրության ծավալներն աճել են 25.1 տոկոսով՝ արտադրվելով 10 մլն 796, հազար 1 լիտր:
Հայաստանի վարչապետ Կարեն Կարապետյանը և Արցախի վարչապետ Արայիկ Հարությունյանը Տիգրանակերտում լրագրողների հետ զրույցում անդրադարձել են երկու հայկական պետությունների տնտեսությունների զարգացման հեռանկարներին և նշել այն քայլերը, որոնց միջոցով ակնկալվում է ապահովել տնտեսության զարգացումը:
Հայաստանում 2016 թվականի հունվար-սեպտեմբերին ամբողջ արտադրությունը կազմել է 1 տրիլիոն 28 մլրդ 5,3 մլն դրամ: Այս ցուցանիշը նախորդ տարվա նույն ժամանակահատվածի նկատմամբ աճել է 7,1 տոկոսով:
Ընդհանուր առմամբ 2016 թվականի հունվար-սեպտեմբերին Հայաստանում արտադրվել է 91 մլրդ 162 մլն դրամի ծխախոտային արտադրատեսակ: Այն նախորդ տարվա համանուն ժամանակահատվածի նկատմամբ աճել է 19,4 տոկոսով:
Բացառո՞ւմ եմ դա, չե՛մ բացառում։ Ինչքա՞ն արագ կլինի դրա հնարավորությունը՝ կերևա մեր էֆեկտիվ աշխատանքից
«Եթե Հայաստանի շուրջ իրավիճակը, արտաքին միջավարը փոխվի, և ՀՀ-ն կարողանա դուրս գալ այս մեկուսացումից, նկատի ունեմ` ԵՄ-ի և արտաքին աշխարհի հետ կարողանա ինքնուրույն քաղաքականություն տանել, հնարավոր է նույնիսկ դրական դինամիկա և նույնիսկ ավելի մեծ ցուցանիշի արձանագրում»:
2017թ. բյուջեի նախագծի խորհրդարանական քննարկման նկատմամբ հասարակական հետաքրքրությունն առանձնապես մեծ չէ: Դրան, իհարկե, բազում հիմնավորումներ կարելի է գտնել: Նախ` որ նոր է կայացել կառավարության գործունեության ծրագրի քննարկումը: Երկրորդ` որ նոր կառավարությունը ներքաշվել է անընդհատ քննարկումների գործընթաց:
«Պարզապես նրանք մտահոգ ու հոգատար հայ մարդիկ են։ Ո՞ր մի հայը չի ուզենա՝ իր երկիրը տեսնի լավ, կանոնակարգված։ Իրենք հիմա բոլոր դեպքերում ինչ-որ տեղ, այո, ռիսկի են դիմում՝ չունենալով այլընտրանք, որովհետև տեսնում են, որ այսպես ձեռքերը ծալած, նստած վիճակում, ամենայն հավանականությամբ, մենք չենք հասնի հաջողության»:
Ուշագրավ է, որ նախորդ տարիներին ինստիտուտը պետական բյուջեից տարբեր ծրագրերով հատկացված միջոցների մնացորդներն ավանդ է դրել բանկում: 01.01.2016թ. ինստիտուտի դրամական միջոցների մնացորդը կազմել է 202 մլն 137.2 հազար դրամ:
«Դա աշխատանք չէ, ծառայություն չէ, դա առաքելություն է, և, այդ առումով, ինչ-որ տեղ նաև Ձեր հաջողությամբ է պայմանավորված մեր ազգի ապագան: Այն վստահությունը, որ այսօր կա հայ ազգի մոտ՝ ոչ միայն ՀՀ-ում, ԼՂՀ-ում, այլ նաև՝ Սփյուռքում, համոզված եմ, որ արդարացվելու է: Ոչ միայն ՀՀ-ն է Ձեր պաշտոնավարման ժամանակ հաջողություններ արձանագրելու, այլ նաև Արցախի սոցիալ-տնտեսական զարգացման և անվտանգության առումով արդյունքները ևս պայմանավորված են լինելու Ձեր հաջողություններով»,- նշել է Արայիկ Հարությունյանը:
Արցախի նախագահը շնորհավորել է Կարեն Կարապետյանին ՀՀ կառավարության ղեկավարի պաշտոնում նշանակվելու կապակցությամբ և մաղթել հաջողություններ ու արդյունավետ գործունեություն: Արցախի նախագահը հույս է հայտնել, որ Կարեն Կարապետյանի պաշտոնավարման ժամանակահատվածում հայկական երկու պետությունների բարձր մակարդակի վրա գտնվող տնտեսական համագործակցությունը կշարունակի հետևողականորեն զարգանալ ու ընդլայնվել:
Եվրոպական Միությունն էր պնդել, որ Ուկրանիային ֆինանսական օժանդակություն տրամադրելու եւ առանց վիզայի Եվրոպական Միության երկրներ ճամփորդելու իրավունք ստանալու համար այս երկրի պաշտոնատար անձինք ներկայացնեին իրենց եկամուտների եւ ունեցվածքի մասին փաստեր։
