Ոստիկանության Գուգարքի բաժնի ծառայողների ձեռնարկած օպերատիվ-հետախուզական միջոցառումների շնորհիվ՝ հոկտեմբերի 7-ին, ժամը 09.30-ին, Ստեփանավան քաղաքի Ավետիսյան փողոցի տներից մեկում հայտնաբերվել և բաժին բերման է ենթարկվել 1988 թ. ծնված Հրաչյա Հ.-ն:
Ցեղասպանության հարցին իրավական լուծում տալու համար Ռոբերտսոնը երկու առաջարկություն է անում. կամ Հայաստանի կառավարությունն այն ներկայացնում է «վճիռ կայացնելու համար Արդարադատության միջազգային դատարան [Համաշխարհային դատարան]՝ համաձայն Ցեղասպանության կոնվենցիայի 9-րդ հոդվածի» կամ խնդրում է ՄԱԿ-ի Գլխավոր քարտուղարին՝ ստեղծել հատուկ դատարան Հայոց ցեղասպանության վերաբերյալ:
Նախագահ Սերժ Սարգսյանը հոկտեմբերի 09-ին աշխատանքային այցով կմեկնի Բելառուսի Հանրապետություն՝ մասնակցելու Մինսկում կայանալիք ԱՊՀ մասնակից պետությունների ղեկավարների և Եվրասիական տնտեսական բարձրագույն խորհրդի նիստերին:
Մոտ 2 ժամ տևած հանդիպման ընթացքում քննարկվեց և ներկայացվեց մարզում, ինչպես նաև հանրապետությունում տղամարդկանց և կանանց հավասարության, «Կանանց և տղամարդկանց հավասար իրավունքների և հավասար հնարավորությունների ապահովման մասին» ՀՀ օրենքի իրականացման իրավիճակը, Հակախտրականության օրենքի ընդունման հետ կապված խնդիրները:
Հոկտեմբերի 6-ին, ժամը 15.30-ին, Տաշիրի քաղաքապետարանից ոստիկանության Տաշիրի բաժնում հաղորդում էր ստացվել, որ հրկիզել են Տաշիր քաղաքի Խանջյան փողոցում գտնվող հյուրանոցի 3-րդ հարկի միջանցքի փայտե դուռը, շրջանակով` պատճառելով 50.000 դրամի գույքային վնաս:
Պահանջում է Թուրքիայի դաշնակից պետություններից սանձել Թուրքիայի կողմից հովանավորված ագրեսիան՝ զսպելով Թուրքիայի ծավալապաշտ քաղաքականությունը։ Քոբանիում արդեն տեղի ունեցած եւ հետագա բոլոր ողբերգությունների, մարդկության դեմ ոճիրների գլխավոր պատասխանատուն համարում ենք Թուրքիային։
ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց Մակեդոնիայի տեղական ինքնակառավարման նախարար Լիրիմ Շաբանիի գլխավորած պատվիրակությանը: Հյուրերը ժամանել են՝ մասնակցելու ՄԱԿ-ի Տնտեսական եւ սոցիալական հարցերի վարչության եւ ՄԱԿ-ի Զարգացման ծրագրի նախաձեռնությամբ Երեւանում անցկացվող ՝ «Կառավարության եւ կառավարման կարողությունների զարգացում՝ հանուն կայուն զարգացման» խորագրով միջազգային համաժողովին:
Հոկտեմբերի 8-12-ին հյուսիսային և արևելյան շրջաններում ժամանակ առ ժամանակ սպասվում է անձրև, առանձին հատվածներում նաև մառախուղ:
Վերակազմյալ ՍԴՀԿ Կենտրոնական Վարչությունը կոչ է անում Հայաստանի Հանրապետության մտահոգ բոլոր քաղաքացիներին հոկտեմբերի 10-ին՝ ժամը 18 : 00-ին իրենց մասնակցությունն ապահովել Ազատության հրապարակում հրավիրված հանրահավաքին և մասնակից դառնալ եռյակի կողմից նախաձեռնված բարեփոխումների գործընթացին:
Հոկտեմբերի 7-ին, ժամը 10.00-ի սահմաններում, «ՎԱԶ-2106» մակնիշի ավտոմեքենայի վարորդը Արմավիր-Երևան ճանապարհի 20-րդ կմ-ին վրաերթի է ենթարկել 1939 թ. ծնված Միհրան Մարտիրոսյանին:
ՀՀ գյուղատնտեսության նախարար Սերգո Կարապետյանը Ռուսաստանի Դաշնության վարչապետ Դմիտրի Մեդվեդևի հետ հանդիպման ժամանակ բարձրացրել է «Վերին Լարս» սահմանային անցակետի ոչ արդյունավետ աշխատանքի խնդիրը, քանի որ նրա շուրջօրյա չգործելու պատճառով հնարավոր չի լինում բավարար քանակով արտահանումներ իրականացնել:
Այսօր՝ հոկտեմբերի 8-ին, ՀՀ ԱԺ պատգամավոր Զարուհի Փոստանջյանը ընդդեմ ՀՀ ԱԺ նախագահ Գալուստ Սահակյանի վարչական դատարան գործողության կատարման հայց է ներկայացրել:
ՀՀ հատուկ քննչական ծառայությունը ՀՀ ոստիկանության Արաբկիրի քննչական բաժնից ստացել է քրեական գործով մեղադրյալ Արմեն Ա.-ի հաղորդման հիման վրա նախապատրաստված նյութերը, որի հիման վրա ՀՀ քրեական օրենսգրքի 308-րդ հոդվածի 1-ին մասի հատկանիշներով հարուցվել է քրեական գործ:
Հիմք ընդունելով Հանձնաժողովի 2014թ. հոկտեմբերի 7-8 նիստին Հանձնաժողովի անշխատակազմին տրված հանձնարարականը՝ սույն հայտարարությանը կից հրապարակվում է Հանձնաժողովի 2014թ. հոկտեմբերի 7-8 նիստի թիվ N 3 արձանագրությունը:
ՀՀ քննչական կոմիտեի Երեւանի քննչական վարչության Կենտրոնի քննչական բաժնում հարուցվել է քրեական գործ՝ լրագրողի մասնագիտական գործունեությանը խոչընդոտելու դեպքի առթիվ։
Երեւանի Շենգավիթ համայնքի Շիրակի փողոցում այսօր՝ հոկտեմբերի 8-ին, վթարի է ենթարկվել աղբահանության մեքենա:
Անդրադառնալով այն հարցին, թե ինչ կլինի Ղարաբաղի հետ, երբ Հայաստանն անդամակցի ԵՏՄ-ին, ասաց, որ Ղարաբաղը Հայաստանն է, դա մեր հոգու մեջ մխրճված է, և, բնականաբար, այստեղ աշխատելու է «Կամ մահ, կամ ազատություն» կարգախոսը: Դա հասկանում են նաև նույն Նազարբաևը, նույն Լուկաշենկոն և բազմաթիվ Օբամաներ: Իրենց քաղաքական խաղերը չեն կարող ազդեցություն ունենալ: Ուրիշ բան, եթե Աստված մի արասցե՝ այդ հրեշները դուրս գան Օրբիտայից: Բայց մտածում եմ, որ դա էլ տեղի չի ունենա, որովհետև աշխարհաքաղաքական առումով շատ հետաքրքիր տարածաշրջան է»:
Հոկտեմբերի 8-ին Հայաստանի Հանրապետության զինված ուժերի գլխավոր շտաբի պետ, գեներալ-գնդապետ Յուրի Խաչատուրովը արարողակարգային հանդիպում ունեցավ Հայաստանի Հանրապետությունում Իրանի Իսլամական Հանրապետության դեսպանության նորանշանակ ռազմական կցորդ, գնդապետ Հոսեյն Վահիդի Շեյխի հետ:
Հոկտեմբերի 7-ին, երեկոյան, Գեղարքունիքի մարզի Շորժա-Վարդենիս հատվածում գծից դուրս են եկել բեռնատար գնացքի 10 վագոններ, որոնք հումք էին տեղափոխում: Միջադեպի հետևանքով տուժածներ չկան:
Պաշտպանական գերատեսչության ղեկավարը հույս է հայտնել, որ նա հայրենիքում և իր ընտանիքի հոգատար միջավայրում հնարավորինս արագ կթոթափի մեկ տարուց ավելի տևած մղձավանջային օրերի սթրեսային հետևանքները, նշել է, որ Ինջիղուլյանի նկատմամբ կատարված գործողությունները փաստում են, որ ադրբեջանական իշխանությունները հատուկքաղաքականություն են մշակել գերեվարված զինծառայողներին հոգեբանական ճնշումների, խոշտանգումների և մահվան սպառնալիքի միջոցով ուղղորդել դեպի երրորդ երկիր, դրանով իսկ իբրև թե ցույց տալով, որ ՀՀ զինված ուժերում կամ ԼՂՀ Պաշտպանության բանակում ծառայության պայմանները տանելի չեն, իսկ Հայաստան վերադառնալն անցանկալի:
Նախագահ Սերժ Սարգսյանն այսօր մեկնել է Էջմիածին՝ մասնակցել քաղաքի տոնի՝ Էջմիածնի 2699-ամյակի առթիվ կազմակերպված միջոցառումներին:
Իմ պատասխանը հետևյալն է, ես չեմ կարող ամերիկյան ընկերություններին Հայաստան բերել, նրանք ամերիկյան կառավարության համար չեն աշխատում, այդ Հայաստանը պետք է գրավիչ լինի օտարերկրյա ներդրողների համար:
«Հոգեկան առողջությունը դիտվում է որպես ազգի անվտանգության շատ կարևոր գրավական, քանի որ ամբողջ աշխարհում ընդունված է, որ երբ ցանկանում են գնահատել, թե ինչպիսին է տվյալ ազգի հոգեկան վիճակն ընդհանուր էթնիկական կամ ազգային մակարդակով, վերցնում են այդ երկրում սպանությունների և ինքնասպանությունների քանակը, որը փաստորեն բացասական կողմն է»,- այսօր լրագրողների հետ հանդիպման ժամանակ ասաց հոգեբան Խաչատուր Գասպարյանը:
«Բարգավաճ Հայաստան» կուսակցության խորհրդի անդամ, տնտեսագետ Վարդան Բոստանջյանն այսօր լրագրողների հետ հանդիպման ընթացքում` խոսելով հոկտեմբերի 10-ին սպասվող ոչ իշխանական ուժերի հանրահավաքի մասին, ասաց, որ այն ենթադրում է ժողովրդի ձայնի բարձրացումը, որոնք դժգոհ են իշխանություններից: Իսկ իշխանությունների հանդեպ ձևավորված դժգոհությունն ինքնանպատակ մի ինստիտուտ չէ, այլ պայմանավորված է վարվող և՛ արտաքին, և՛ ներքին քաղաքականությամբ. «Բնակչությունը` ելնելով այս […]
Ղարաբաղում Կարմիր խաչի միջազգային կոմիտեի ներկայացուցիչները հոկտեմբերի 6-ին այցելել են դիվերսիոն ոտնձգություն իրականացնելու համար ձերբակալված Շահբազ Ջալալօղլու Գուլիեւին եւ Դիլհամ Ասկերովին։
Այսօրվա ընդդիմությունը չի ասում, թե ներկայիս իշխանությունների ինչն է վատը, իսկ ինչու չեն ասում, որովհետև ցանկանում են տապալել այս իշխանությանը, որպեսզի իրենք նստեն ու նույնն էլ իրենք անեն։ Նախանձում են, որ Սաշիկն է գողություն անում, կամ Լիսկան է նշանակվում, ուզում են իրենք գան ու իրենք թալանեն։ Մոռացե՞լ եք, թե Լևոն Տեր-Պետրոսյանի կամ Ռոբերտ Քոչարյանի ղեկավարման ժամանակ ովքեր էին թալանչիները։ Սա է պատճառը, որ մեր ժողովրդի վիճակը շատ վատ է։ Հիմա, խնդրում եմ, եռյակի անդամներից որևէ մեկին հարց տվեք՝ ինչո՞ւ Մաքսային միության մասին որևէ բան չեն ասում, նույն Գագիկ Ծառուկյանն ասե՞լ է ՄՄ-ի լավ ու վատ կողմերի մասին։ Արդյո՞ք Գագիկ Ծառուկյանը կարողանում է ասել նախագահի կատարած վատ քայլերը։
ՀՀ Քննչական կոմիտեի Տավուշի մարզային քննչական վարչությունում հարուցվել է քրեական գործ՝ հակառակորդի կողմից Տավուշի մարզի 25-ամյա բնակչի նկատմամբ ազգային, ռասսայական կամ կրոնական շարժառիթով սպանության փորձ կատարելու դեպքի առթիվ։
«Ասոցացման համաձայնագրի ստորագրման կապակցությամբ մենք ստացել ենք աշխատանքային պլան: Դրանով է պայմանավորված վիզային ռեժիմի նոր կարգավորումները, որոնցից ելնելով՝ հարկ եղավ օրենսդրությունը ենթարկել որոշակի փոփոխության: Պետությանն իրավունք է վերապահված որոշ երկրների կամ քաղաքացիների նկատմամբ արտոնություններ սահմանելու: Այդ հարցին անպայման լուծում կտրվի»:
Հոկտեմբերի 7-ին ՀՀ պաշտպանության նախարար Սեյրան Օհանյանն ընդունել է ԵԽ Մարդու իրավունքների հանձնակատար Նիլս Մուիժնիկսի գլխավորած պատվիրակությանը:
Ցրված սկլերոզը (ՑՍ) միջին տարիքային խմբի մոտ անաշխատունակության հանգեցնող ամենից հաճախ հանդիպող նյարդաբանական հիվանդությունն է: Հիվանդության զարգացման փուլում տեղի են ունենում կենտրոնական նյարդային համակարգի բորբոքային և դեգեներատիվ փոփոխություններ:
