Երևանի Սարալանջի պողոտայում քարաթափում է տեղի ունեցել. Ճանապարհը միակողմանի է դարձել
![](https://168.am/wp-content/uploads/2013/08/qaratapum-Lori-3.jpg)
Հոկտեմբերի 9-ին, ժամը 07.54-ին ահազանգ է ստացվել, որ Երևանի Սարալանջի պողոտայում տեղի է ունեցել քարաթափում` ճանապարհը դարձնելով միակողմանի երթևեկելի:
Դեպքի վայր է մեկնել ՃԿԿ ԱԻ արձագանքման խումբը:
Պարզվել է, որ Սարալանջի պողոտայի կենտրոնական հատվածում հարակից լանջից քարեր են թափվել` ճանապարհը դարձնելով միակողմանի երթևեկելի:
Փրկարարները սահմանազատել են նշված հատվածը:
Քաղաքապետարանի ծառայությունների կողմից իրականացվում են աշխատանքներ:
Կտրվի լրացուցիչ տեղեկություն:
ՀՀ Արտակարգ իրավիճակների նախարարություն