Պակիստանը և Ռուսաստանը շարունակում են աշխատել «Պակիստանյան հոսք» գազատարի նախագծի վրա, ՌԻԱ Նովոստիին ասել է Ռուսաստանում Պակիստանի դեսպան Ֆեյսալ Նիազ Թիրմիզին։
Դանիան խնդրել է ՆԱՏՕ-ին առաջնահերթ ուշադրություն դարձնել Արկտիկայի տարածաշրջանին։ Այս մասին հայտարարել է Դանիայի վարչապետ Մետտե Ֆրեդերիկսենը:
Առաջիկա երկու տարվա ընթացքում ՆԱՏՕ-ն նախատեսում է իր արևելյան թևը զինել ռոբոտներով, անօդաչու թռչող սարքերով և ավտոմատացված զենքի համակարգերով՝ Ռուսաստանի կողմից հնարավոր ռազմական ագրեսիան կանխելու համար։ Ինչպես տեղեկացնում է Deutsche Welle-ն, այդ մասին հայտարարել է ՆԱՏՕ-ի բանակի գեներալ Թոմաս Լովինը։
Աբու Դաբիում եռակողմ բանակցություններն ավարտվել են։
Հունվարի 23-ի ժամը 08։00-ից մինչև հունվարի 24-ը ժամը 08։00-ն ՆԳՆ ՓԾ Ճգնաժամային կառավարման ազգային և մարզային փրկարարական վարչությունների ճգնաժամային կառավարման կենտրոններ ահազանգեր են ստացվել ձյան առատ տեղումների հետևանքով տրանսպորտային միջոցների արգելափակումների վերաբերյալ։
ԱՄՆ ԶՈւ Կենտրոնական հրամանատարության (CENTCOM) ղեկավար, փոխծովակալ Բրեդ Քուփերը հունվարի 24-ին չհայտարարված այցով ժամանել է Իսրայել։ Այս մասին հայտնում է The Times of Israel-ը։
Բանակի օրվան ընդառաջ՝ մի շարք տնտեսվարողներ տարբեր ապրանքատեսակների վաճառքի գործընթացում օգտագործում են ՀՀ ԶՈՒ զինանշանը: Այս մասին հայտնում են ՀՀ ՊՆ-ից։
«Մարզաշխարհը հանուն առողջ սերնդի» նախաձեռնությանն արդեն իսկ միացել են հազարավոր մարզիկներ։
ՀԱՕԿ նախագահ Գագիկ Ծառուկյանը հանդիպում է ունեցել օլիմպիական և ոչ օլիմպիական մարզաձևերի ներկայացուցիչների հետ։
ՀՖՖ-ն պատասխանել է ՈւԵՖԱ-ին՝ Հայաստան-Ուկրաինա խաղում գրանցված միջադեպի վերաբերյալ։
«Կրասնոդարի» նախկին պաշտպան Ռոման Շիշկինը խոսել է «սև-կանաչների» ավագ Էդուարդ Սպերցյանի՝ եվրոպական որևէ առաջնություն հնարավոր տեղափոխության մասին։
Անցած գիշերը Մոսկվայում դարձել է ամենացուրտը ընթացիկ ձմռան սկզբից ի վեր, Telegram-ի իր ալիքում հայտնել է «Ֆոբոս» եղանակային կենտրոնի առաջատար մասնագետ Միխայիլ Լեուսը:
Իշխանության մունետիկները սպառնալիքներ են հնչեցրել Ոսկետափ գյուղում հոգևոր ծառայություն տանող Տեր Արտաշեսի նկատմամբ` Եկեղեցուց նրան հանելու և տեղում իրենց նախընտրությամբ գործելու նպատակով: Այս մասին ֆեյսբուքյան իր էջում գրել է ԱԺ «Պատիվ ունեմ» խմբակցույան պատգամավոր Տիգրան Աբրահամյանը։
ԱՄՆ-ը խնդրել է Իտալիային համահիմնադրի կարգավիճակով միանալ Գազայում կայունացման միջազգային ուժերին։ Այս մասին հայտնում է Bloomberg-ը՝ վկայակոչելով տեղեկացված աղբյուրներին։
Ուկրաինայի ֆուտբոլի ասոցիացիան պաշտոնապես դիմել է ՈւԵՖԱ-ի Վերահսկիչ, էթիկայի և կարգապահական մարմնին՝ կապված ֆուտզալի Եվրո-2026-ի որակավորման փուլի Հայաստան-Ուկրաինա հանդիպումից հետո տեղի ունեցած միջադեպի հետ։
ԱՄՆ-ի նախագահ Դոնալդ Թրամփի վարչակազմը քննարկում է Կուբայի ռազմածովային շրջափակումը՝ դեպի նշված երկիր նավթի մատակարարումները դադարեցնելու համար։ Այս մասին տեղեկացնում է Deutsche Welle-ն։
Միլանի «Ինտերը» սոցիալական ցանցերի իր էջերում առանձնահատուկ անդրադարձ է կատարել Հայաստանի ազգային հավաքականի նախկին ավագ Հենրիխ Մխիթարյանի գոլին, որը նա հեղինակեց Սերիա Ա-ի 22-րդ տուրի՝ «Պիզայի» դեմ կայացած խաղում։
ԱՄՆ պաշտպանության նախարարությունն ուրբաթ հրապարակած իր ռազմավարական փաստաթղթում հայտարարել է, որ ամերիկյան զինուժի հիմնական ուշադրությունն այժմ կենտրոնացած է ոչ թե Չինաստանի, այլ հայրենիքի և Արևմտյան կիսագնդի վրա, տեղեկացնում է NBC News-ը:
Ինչպես հայտնել էինք ավելի վաղ, ԱՄՆ նախագահ Դոնալդ Թրամփը սոցցանցի իր էջում հրապարակում էր արել ԱՄՆ փոխնախագահ Ջեյ Դի Վենսի՝ փետրվարին Հայաստան և Ադրբեջան այցի վերաբերյալ։
Գերմանիայի կանցլեր Ֆրիդրիխ Մերցը հայտարարել է, որ բաց է Միացյալ Նահանգների հետ նոր երկխոսության համար, սակայն հավելել է, որ չի միանա ԱՄՆ նախագահ Դոնալդ Թրամփի խաղաղության խորհրդին նրա ներկայիս ձևաչափով, հայտնում է DW-ն։
Երևանում հունվարի 24-ի ցերեկը, 25-29-ին սպասվում է առանց տեղումների եղանակ: Հունվարի 27-ի երեկոյան հնարավոր է ձյուն։
Այսօր մեկնարկել է 2026 թվականի միասնական քննությունների առաջին փուլը: Քննությունների ընթացքին հետևելու նպատակով ՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է Երևանի թիվ 142 և թիվ 135 հիմնական դպրոցներում տեղակայված քննական կենտրոներ։ Այս մասին հայտնում են ԿԳՄՍՆ-ից։
Ուկրաինայի մայրաքաղաքում գրեթե 6 հազար տուն զրկված է ջեռուցման հնարավորությունից։ Իր տելեգրամյան ալիքում այսպիսի տեղեկություն է ներկայացրել Կիևի քաղաքապետ Վիտալի Կլիչկոն։
Հունվարի 24-ին ժամը 06։05-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Արագածոտնի մարզի Եղիպատրուշ գյուղում գտնվող հյուրանոցային համալիրի փայտե տնակներից մեկում:
Հունվարի 23-ին Մարդու իրավունքների պաշտպանի և Հայաստանում Նիդերլանդների Թագավորության դեսպանության համագործակցությամբ Տավուշի մարզի Իջևան խոշորացված համայնքում տեղի է ունեցել «Սեռով պայմանավորված հղիության արհեստական ընդհատումների կանխարգելում․ իրազեկում և հասարակական գիտակցության ձևավորում» թեմայով միջոցառում։ Այդ մասին հայտնում են ՄԻՊ աշխատակազմից:
Մասյացոտնի թեմը հայտարարություն է տարածել, որում ասվում է. «Ոսկետափում շարունակվում են ճնշումները Սուրբ Սահակ–Մեսրոպ եկեղեցու հոգևոր հովիվ Տեր Արտաշես քահանա Հակոբյանի նկատմամբ»:
Աբու Դաբիում բոլոր երեք կողմերի համաձայնությամբ Ուկրաինայի հարցով բանակցությունների երկրորդ օրը կրկին կանցնի փակ ռեժիմով, առանց մամուլի: Այս մասին հայտնել Է ՏԱՍՍ-ի աղբյուրը։
Դանիայի վարչապետ Մետտե Ֆրեդերիկսենն այցելել է Գրենլանդիայի մայրաքաղաք Նուուկ՝ բանակցություններ վարելու տարածքի ղեկավար Յենս-Ֆրեդերիկ Նիլսենի հետ։ Այդ մասին տեղեկացնում է Euronews-ը։
Ուկրաինայի նախագահ Վլադիմիր Զելենսկին հայտարարել է, որ Աբու ԴԱբիում Ռուսաստանի, Ուկրաինայի և Միացյալ Նահանգների ներկայացուցիչների բանակցությունների հիմնական թեման եղել է տարածքային խնդիրը, հայտնում է Reuters-ը:
Ադրբեջանական գերությունից վերադարձած Գևորգ Սուջյանը ֆեյսբուքյան էջում գրել է. «Շնորհակալություն հայտնել Իլհամ Ալիևից այն դեպքում, երբ ադրբեջանի բանտերում ունենք բռնի և ապօրինի պահվող պատանդներ՝ իմ համար անընդունելի է։ Դա ունի այսպիսի հասկացություն, ինչ անում ես ճիշտ ես անում Ալիև, ինչքան կարաս պահիր ու նսեմացրու մեզ բոլորիս… Սա մեր ազգի պատիվն է»:
