Թուրքիայում 38 օտարերկրացիների են ձերբակալել ԻՊ-ի հետ կապերի կասկածանքով
Թուրքիայի ոստիկանությունը 38 օտարերկրյա քաղաքացիների է ձերբակալել ԻՊ ահաբեկչական կազմակերպության հետ կապերի կասկածանքով: Այդ մասին օգոստոսի 3-ին հայտնել է Daily Sabah թերթը:
Ձերբակալությունները կատարվել են Ստամբուլում, ոստիկանությունն ստուգումներ է անցկացրել քաղաքի վեց շրջանների 12 հասցեներում: Ավելի վաղ իրավապահ մարմինները տեղեկատվություն էին ստացել այն մասին, որ կասկածյալները գրոհ են նախապատրաստում: Ոստիկանությունը նաեւ ձերբակալվածներից առգրավել է փաստաթղթեր եւ թվային նյութեր, որոնք քարոզում են ԻՊ-ի գործունեությունը, հաղորդել է «Ինտերֆաքս»-ը:
