Լողի առաջնություն` նվիրված առաջին հանրապետության 100-ամյակին
Սպորտի նախարարությունը լողի առաջնություն է անցկացնում՝ նվիրված Հայաստանի առաջին հանրապետության 100-ամյակին:
Մայիսի 26-ին՝ ժամը 10.30-ին, «Գրանդ Սպորտ» մարզահամալիրում «Առգե Բիզնես» ընկերությունը և ՀՀ սպորտի և երիտասարդության հարցերի նախարարությունը կազմակերպում են մարզական մասսայական միջոցառում՝ 100 մ ազատ ոճի լողի առաջնություն, որը նվիրված է Հայաստանի առաջին հանրապետության 100-ամյակին:
Տղամարդկանց մրցումներն անցկացվելու են երկու տարիքային խմբերի համար՝ 20-31 տարեկան և 32 տարեկանից բարձր: Կանայք կմրցեն մինչև 20 տարեկան և 20 տարեկանից բարձր տարիքային խմբում:
Մրցանակային տեղեր զբաղեցրած մասնակիցները կարժանանան խրախուսական մրցանակների:
