Արա Բաբլոյանը՝ իր և Նիկոլ Փաշինյանի հարաբերությունների մասին
ԱԺ նախագահ Արա Բաբլոյանը վստահեցնում է՝ խորհրդարանում հարցերը կանոնակարգելիս հավասարապես է մոտենում բոլոր խմբակցություններին և պատգամավորներին: Լրագրողների հետ զրույցում՝ անդրադառնալով Նիկոլ Փաշինյանի հետ իր հարաբերություններին՝ Ա. Բաբոլյանը նշեց՝ իրենց մարդկային հարաբերությունները երբևիցե սուր չեն եղել: «Եվ ինչպես բոլոր քաղաքակիրթ երկրներում և հասարակություններում՝ մեզ մոտ նույնպես ամեն բան հստակ կանոնակարգված է»,-նշեց Բաբլոյանը:
Նրա խոսքով՝ որպես Հանրապետական կուսակցության անդամ՝ ունի քաղաքական դիրքորոշում, որը համընկնում է կուսակցության դիրքորոշմանը: Անդրադառնալով հարցին՝ հավանական է արդյոք, որ խորհրդարանը ցրվի, ասաց ՝ դրա համար ոչ մի հիմք չկա այս պահին:
