««Ռեալն» օբյեկտիվորեն ավելի ուժեղ է մեզանից, և ես պետք է շնորհավորեմ մրցակցին». Բուֆոն
Երևում է, Բուֆոնն այդպես էլ չի հաղթի Չեմպիոնների լիգան: «Յուվենթուսի» դարպասապահ Ջանլուիջի Բուֆոնը մեկնաբանել է «Ռեալի» դեմ Չեմպիոների լիգայի քառորդ եզրափակիչ խաղի արդյունքը (0:3):
«Մենք տեսանք, թե ինչ է իրենից ներկայացնում Ռոնալդուն: Նա անհավանական մակարդակի խաղացող է, նրան և Մեսսիին կարելի է դնել մեկ շարքում Մարադոնայի և Պելեի հետ: Եվ Ռոնալդուն, և Մեսսին բացառիկ կարևոր դեր են խաղում իրենց թիմերի հաղթանակներում և նրանց տիտղոսներ են բերում: Ես խորը տխրություն եմ զգում, բայց միևնույն ժամանակ՝ ես պետք է պահպանեմ սթափ միտքը և հասկանամ. «Ռեալն» օբյեկտիվորեն ավելի ուժեղ է մեզանից: Ես պետք է շնորհավորեմ նրանց»,- Բուֆոնի խոսքերն է մեջբերում Bernabéu Digital-ը:
Թուրինում տեղի ունեցած խաղում Կրիշտիանու Ռոնալդուն դուբլ ձևակերպեց և գումարեց դրան նաև արդյունավետ փոխանցում:
Պատրաստեց Անի Գաբուզյանը
