Էրդողանն ու Մեյը քննարկել են կիպրական հարցը
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Միացյալ Թագավորության վարչապետ Թերեզա Մեյի հետ: Այս մասին հայտնում է թուրքական «Դողան» գործակալությունը:
Կողմերը խոսել են երկկողմ հարաբերությունների ու տարածաշրջանային հարցերի շուրջ՝ մասնավորապես անդրադառնալով կիպրական խնդրին: Էրդողանն ու Մեյն ընդգծել են, որ այս հարցում անհրաժեշտ է հասնել կողմերի համար արդար, կայուն և համընդգրկուն լուծման:
Նրանք պատրաստակամություն են հայտնել հանդիպել Համբուրգում կայանալիք G-20 գագաթնաժողովի շրջանակում:
