«Ռեալն» ուզում է «Մանչեսթեր Յունայթեդի» դարպասապահ Դավիդ Դե Խեայից վերջնական պատասխան ստանալ մինչև մայիս
«Ռեալի» ղեկավարությունը ձգտում է պարզության «Մանչեսթեր Յունայթեդի» դարպասապահ Դավիդ Դե Խեայի Իսպանիա վերադառնալու պատրաստակամության հարցում: Ինչպես հաղորդվում է, մադրիդցիները ժամանակ են տվել դարպասապահին մինչև մայիս, որպեսզի նա վերջնականապես կողմնորոշվի:
Ֆուտբոլիստի ներկայիս պայմանագիրը մանկունյանցիների հետ նախատեսված է մինչև 2019 թ. հունիս: Սակայն «Ռեալը» կարող է գնել դարպասապահի տրանսֆերը 50 մլն ֆունտով: Ավելի վաղ հաղորդվել էր, որ Դե Խեան արդեն ունեցել է բանակցություններ իսպանական ակումբի հետ:
Ընթացիկ մրցաշրջանում դարպասապահն Անգլիայի առաջնությունում անցկացրել է 26 խաղ, որոնցից 10-ում գնդակ բաց չի թողել:
Պատրաստեց Անի Գաբուզյանը
