Խորվաթիան աջակցում է ԼՂ հակամարտության կարգավորման գործում Մինսկի խմբի ջանքերը
Խորվաթիան աջակցում է Լեռնային Ղարաբաղի հակամարտության կարգավորման ԵԱՀԿ Մինսկի խմբի ջանքերին: Ինչպես հաղորդում է «Ռիա Նովոստի»-ն, նման հայտարարությամբ հանդես է եկել Խորվաթիայի նախագահ Կոլինդա Գրաբար-Կիտարովիչը` Ադրբեջան կատարած պաշտոնական այցի ընթացքում:
«Ղարաբաղյան հակամարտության հարցում մեր դիրքորոշումը բավականին հստակ է: Կարծում ենք, որ հակամարտությունը պետք է կարգավորվի խաղաղ և դիվանագիտական ճանապարհով: Մենք աջակցում ենք ԵԱՀԿ Մինսկի խմբի կողմից վարվող գործընթացը»,- ասել է Կիտարովիչը:
