ԱՊՊԱ-ի գծով վնասաբերությունը հուլիսին կազմում է 48.4%
Ըստ Հայաստանի ավտոապահովագրողների բյուրոյի տվյալների, 2016թ. Հուլիսի 31-ի դրությամբ ԱՊՊԱ պայմանագիր ունեցող ավտոտրանսպորտային միջոցների քանակը կազմել է 444579, ինչը նախորդ ամսվա համեմատ աճել է 4000-ով։
Տարվա առաջին 7 ամիսների ընթացքում հաշվեգրված ապահովագրավճարների ծավալը կազմել է 10 մլրդ 806 մլն դրամ։ Բավարարված (վճարված և դեռևս չվճարված) հատուցումների ծավալը՝ 4 մլրդ 716.8 մլն դրամ։
Հաշվետու ժամանակահատվածում հատուցում ստանալու համար ներկայացվել է 19467 դիմում, որոնցից 460-ը մերժվել են։
Հուլիս ամսվա համար բավարարված դիմումների գծով վճարված (վճարվելիք) հատուցումների ընդհանուր գումարը կազմել է մոտ 640 մլն դրամ, ինչը նախորդ ամսվա համեմատ նվազել է մոտ 37 մլն դրամով։
Ամսվա ընթացքում կարգավորված դիմումների քանակը կազմել է 3147, ինչը նախորդ ամսվա համեմատ նվազել է 202-ով։ Բավարարված մեկ դիմումի գծով հատուցման միջին չափը 2016թ. հուլիս ամսվա դրությամբ կազմել է 200408 ՀՀ դրամ։
2016 թվականի հուլիս ամսվա դրությամբ վնասաբերության ցուցանիշը կազմում է մոտ 48.4%։
