Ֆրանսիայի ոստիկանությունը վնասազերծել է եկեղեցում մարդկանց պատանդ վերցրած չարագործներին
Ֆրանսիացի իրավապահները վնասազերծել են Նորմանդիայի Սենտ-Էտիեն-դյու-Ռուվրե քաղաքի եկեղեցում այսօր առավոտյան մարդկանց պատանդ վերցրած 2 չարագործներին, որոնք զինված են եղել դանակներով, հայտնում է Reuters-ը:
Վերջիններս պատանդ էին վերցրել հոգևորականին, 2 միանձնուհու և 2 հավատացյալի:
Գործակալության աղբյուրը տեղեկացրել է, որ չարագործները «վնասազերծվել են»:
AFP-ն հայտնում է, պատանդներից մեկն սպանվել է: Ֆրանսիայի ներքին գործերի նախարար Բեռնար Կազնևը մեկնել է դեպքի վայր:
