Հենրիխ Մխիթարյանը շնորհակալություն է հայտնել
![](https://168.am/wp-content/uploads/2016/02/henrix1.jpg)
Հայաստանի ֆուտբոլի ազգային հավաքականի և «Դորտմունդի Բորուսիա»-ի կիսապաշտպան Հենրիխ Մխիթարյանը շնորհակալություն է հայտնել գերմանական ակումբին՝ հայ մարզիչների պատվիրակությանը բարձր մակարդակով ընդունելու համար: Հենրիխ Մխիթարյանը ֆեյսբուքյան իր էջում գրել է. «Շնորհակալություն «Դորտմունդի Բորուսիա»-ին՝ հայ մարզիչների պատվիրակությանը բարձր մակարդակով ընդունելու համար»:
ՊՐՈ արտոնագրերի դասընթացի մասնակից հայ մարզիչների պատվիրակությունը Դորտմունդում ծանոթացել է տեղի «Բորուսիա» ակումբի ենթակառուցվածքներին: Հայ մարզիչները հանդիպում են ունեցել նաև թիմի գլխավոր մարզիչ Թոմաս Տուխելի հետ, ում նվիրել են Հայաստանի ազգային հավաքականի մարզաշապիկ: