ԵԽԽՎ-ն հրապարակել է Ադրբեջանի ընտրություններում իր առաքելության կազմը
Հայտնի է դարձել նոյեմբերի 1-ին Ադրբեջանում կայանալիք խորհրդարանական ընտրություններում ԵԽԽՎ դիտորդական առաքելության կազմը, հայտնում է haqqin.az-ը:
Տեղեկության համաձայն, որը տեղադրվել է ԵԽԽՎ-ի պաշտոնական կայքում, առաքելությունը բաղկացած կլինի 30 մարդուց:
Առաքելությունը կնախագահի իսպանացի խորհրդարանական Յորդի Չուկլան: Պատվիրակության կազմում կընդգրկվի եվրոպական սոցիալիստների կուսակցության 10 անդամ, Եվրոպական ժողովրդական կուսակցության 9 ներկայացուցիչ, «Հանուն Եվրոպայի լիբերալների ու դեմոկրատների» դաշինքի 4 անդամ, 2 ներկայացուցիչ Եվրոպական միացյալ ձախերից, 1 անդամ պահպանողականներից, 2 զեկուցող ու Վենետիկի հանձնաժողովի 2 ներկայացուցիչ:
