Իրանի ժողովուրդը կդիմակայի Արևմուտքի ճնշմանը. Ռուհանի
«Իրանի ժողովուրդը լի է վճռականությամբ դիմակայել անարդար պատժամիջոցներին, Արևմուտքի ճնշմանը, երկրի դեմ ելույթներին»,- հայտարարել է Իրանի Իսլամական Հանրապետության նախագահ Հասան Ռուհանին երկրի հիմնադիր այաթոլլահ Խոմենեի մահվան տարելիցին նվիրված միջոցառումներին, հայտնում է իրանական IRNA գործակալությունը:
Նա նշել է, որ Իրանը ոչ միայն խաղաղություն է ապահովել երկրի ներսում, այլև օգնություն է տրամադրում նաև տարածաշրջանի երկրներին:
«Իրանցի ժողովուրդը օգնում է Իրաքի, Սիրիայի, Լիբանանի, Եմենի ու տարածաշրջանի մյուս երկրներին ահաբեկչության, բռնության ու ծայրահեղականության դեմ պայքարում»,- ասել է Ռուհանին:
