Հրանտ Բագրատյանը՝ ԿԲ նախագահ նշանակվելու վերաբերյալ խոսակցությունների մասին
ՀՀ նախկին վարչապետ, ԱԺ պատգամավոր Հրանտ Բագրատյանը ֆեյսբուքի իր էջում անդրադարձել է մամուլի այն հրապարակումներին, որոնց համաձայն՝ ինքը հանդիպել է ՀՀ վարչապետ Հովիկ Աբրահամյանի հետ և քննարկել իրեն Կենտրոնական բանկի նախագահ նշանակելու հարցը։ Բագրատյանը գրել է.
«Մամուլը լեցուն է իմ ու վարչապետ Հ.Աբրահամյանի հանդիպման մասին «տեղեկատվությամբ», ուր իբր թե քննարկվել է իմ` ԿԲ նախագահ նշանակվելու հարցը։ Հետաքրքիրն այն է, որ իմ այդ «հանդիպման» մասին առաջին անգամ եմ լսում, իսկ ԿԲ-ին խորհուրդ կտայի գործնական եզրակացություններ անել իմ քննադատությունից և փորձել կատարել Սահմանադրությամբ և օրենքներով իր վրա դրած պարտականությունները»։
