Վրաստանը չի պատրաստվում մասնակցել մայիսի 9-ին Մոսկվայում անցկացվելիք տոնական միջոցառումներին
Ռուսական РИА Новости լրատվական գործակալության փոխանցմամբ՝ Վրաստանը չի դիտարկում ֆաշիզմի դեմ տարած հաղթանակի 70-ամյակի կապակցությամբ Մոսկվայում կազմակերպվելիք տոնական միջոցառումներին իր մասնակցելու հնարավորությունը՝ չնայած Ռուսաստանից ստացված պաշտոնական հրավերին:
Այս մասին հայտարարել է Վրաստանի արտգործնախարար Թամար Բերուչաշվիլին. «Ո՛չ: Մենք չենք դիտարկում մեր մասնակցությունը մայիսի 9-ի միջոցառումներին»:
Հունվարի վերջին Ռուսաստանի արտգործնախարար Սերգեյ Լավրովը հայտարարել էր, որ մոտ 20 երկրի առաջնորդներ հաստատել են իրենց մասնակցությունը Հաղթանակի 70-ամյակին նվիրված միջոցառումներին:
