ԿԺԴՀ-ը փոքր հեռահարության հրթիռներ է արձակել Ճապոնական ծովի ուղղությամբ
![](https://168.am/wp-content/uploads/2015/03/pic_192216bb944c1fee4243672d1c5536e9.jpg)
France-Presse լրատվական գործակալության փոխանցմամբ՝ ԿԺԴՀ-ը փոքր հեռահարության բալիստիկ երկու հրթիռ է արձակել Ճապոնական ծովի ուղղությամբ: Հարավային Կորեայի ՊՆ-ի ներկայացուցչի խոսքերով՝ ԿԺԴՀ-ի արձակած հրթիռներն ունեցել են մինչև 490 կիլոմետր հեռահարություն:
Դրանք արձակվել են Նամպհո նավահանգստի շրջանից: Սեուլը դա գնահատում է որպես լարվածության սրման փորձ՝ հաշվի առնելով Հարավային Կորեայի ու ԱՄՆ-ի սկսած համատեղ զորավարժությունները: Ճապոնիայի կառավարությունն իր հերթին վճռական բողոք է հայտնել՝ կապված հրթիռների արձակման հետ: