Արքայական էջեր` սոցցանցերում
@KensingtonRoyal – այս հասցեով Twitter-ում և Instagram-ում այժմ հնարավոր է գտնել Քեմբրիջի դուքս Ուիլյամի և դքսուհի Քեթրինի ընտանեկան լուսանկարները, ինչպես նաև արքայազն Հարրիի նկարները: Օգոստոսյան ընտանիքի երիտասարդ սերնդի ներկայացուցիչները բացել են Բուքինգեմյան պալատի էջից առանձին էջեր` սոցիալական կայքերում, որտեղ հրապարակում են նորություններ, Royal Foundation հիմնադրամի բարեգործական միջոցառումները և, իհարկե, երիտասարդ արքայազն Գեորգի լուսանկարները:
Նախորդ տարվա հոկտեմբերին իր իր առաջին հաղորդագությունը սոցցանցում տեղադրեց թագուհի Ելիզավետա Երկրորդը: Նրա մասին նորություններին կարելի էր հետևել 2009 թվականից, հետևյալ հասցեով`@BritishMonarchy, բայց առաջ հրապարակումներն անձամբ ինքը` թագուհին չէր անում, այլ` պալատական գրասենյակի ներկայացուցիչները:
Անցած տարվա վերջերին Instagram-ին միացավ Հորդանանի թագուհի Ռանիա Ալ-Աբդուլլահը: Նրա էջում տեղադրված առաջին նկարն իր և Հարավաֆրիկյան Հանրապետության նախկին նախագահ Նելսոն Մանդելայի լուսանկարն էր: Ինստագրամում նրան կարելի է հետևել այս հասցեով` @queenrania.
Նորվեգիայի արքայադուստր Մեթթե Մարիթն ունի էջեր գրեթե բոլոր սոցկայքերում. ֆեյսբուքում` facebook.com/Kongehuset , թվիթերում` @CrownPrincessMM, իսկ վերջերս միացել է նաև Instagram-ին` crownprincessmm:
Պատրաստեց ՌԱԶՄԻԿ ՄԱՐՏԻՐՈՍՅԱՆԸ
