«Բոկո Հարամ» խմբավորումն ստանձնել է Աբուջայում առևտրի կենտրոնի պայթեցման պատասխանատվությունը
![](https://168.am/wp-content/uploads/2014/07/boko_haram_gunmen_nigeria_.jpg)
France-Presse լրատվական գործակալության փոխանցմամբ՝ Նիգերիայում գործող իսլամական «Բոկո Հարամ» արմատական խմբավորման առաջնորդ Աբուբաքր Շեկաուն ստանձնել է երկրի մայրաքաղաք Աբուջայի առևտրի կենտրոնում իրականացված պայթյունի պատասխանատվությունը:
Հունիսի վերջին իրականացված ահաբեկչության հետևանքով զոհվել է 21 մարդ: Շեկաուն հայտարարել է, որ հենց ինքն է զինյալներին հրամայել պայթեցնել առևտրի կենտրոնը: Հունիսի 25-ին պայթյուն էր տեղի ունեցել Աբուջայի Banex առևտրի համալիրում: Այն ժամանակ զոհվել էր 21 մարդ և տարբեր աստիճանի մարմնական վնասվածքներ էր ստացել ևս 52 մարդ: