Ուկրաինայի հետ հետագա բանակցությունները հնարավոր են միայն պարտքի մարումից հետո. Նովակ
Ռուսական ИТАР-ТАСС լրատվական գործակալության փոխանցմամբ՝ Ռուսաստանի էներգետիկայի նախարար Ալեքսանդր Նովակը հայտարարել է, որ «Ռուսաստան-Ուկրաինա-Եվրահանձնաժողով» ձևաչափով գազային բանակցությոնները կարող են վերսկսվել միայն Ուկրաինայի կողմից գազի պարտքը մարելուց հետո.
«Մեր դիրքորոշումը չի փոխվում: Բանակցությունները, խորհրդակցությունները կարող են շարունակվել միայն այն բանից հետո, ինչ ուկրաինական կողմը կմարի պարտքը»: Նովակի խոսքերով՝ ռուսական կողմը պատրաստ է հերթական հանդիպումն անցկացնել հուլիսին:
Ռուսական կողմի հաշվարկներով՝ Ուկրաինայի գազային պարտքը կազմում է 4.5 միլիարդ դոլար:
