Հյուսիսային Իրաքի քրդերը հանրաքվե են պահանջում
Deutsche Welle-ի փոխանցմամբ՝ Հյուսիսային Իրաքի քրդական ինքնավարության բանակի՝ Փեշմերգայի զինծառայողները հրաժարվում են լքել Քիրքուք, Նայնավա, Դիյալլահ նահանգները, որոնք նրանք գրավել են նախորդ շաբաթ, որպեսզի դրանք չընկնեն «Լևանտում ու Իրաքում իսլամական պետություն» խմբավորման զինյալների ձեռքը:
Նրանք պահանջում են, որ Իրաքի Սահմանադրության 140-րդ հոդվածին համապատասխան հանրաքվե անցկացվի երկրի քրդաբնակ շրջաններում՝ դրանք ինքնավարությանը միացնելու համար: Խոսքը գնում է քրդերի գրաված երեք նահանգների, ինչպես նաև Սալլահ ադ-Դին նահանգների մասին:
Սադդամ Հուսեյնի գահընկեցությունից հետո ԱՄՆ-ի մասնակցությամբ գրաված Իրաքի Սահմանադրությունը նախատեսում է երկրի քրդաբնակ շրջանների համար հանրաքվեի անցկացում: Ավելի վաղ Իրաքի վարչապետ Նուրի ալ-Մալիքին խոչընդոտել է 140-րդ հոդվածի կիրառմանը:
