Սյունիքի մարզում ական է պայթել
Ապրիլի 17-ին, ժամը 10.50-ին տեղեկություն է ստացել, որ Սյունիքի մարզի Վաղատուր գյուղում արկ է պայթել:
Գյուղապետի հետ կապ է հաստատվել, ումից տեղեկություն է ստացվել, որ Դ. Հ.-ի հողամասում ական է պայթել. Զոհեր և տուժածներ չկան:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Պարզվել է, որ Դ.Հ.-ին պատկանող տան մոտակայքում (մոտ 10 մ) պայթել է ական կամ արկ, ինչից վնասվել է պահեստավորված անասնեկերի ծածկը՝ 80 քմ և կոտրվել են տան պատուհանները. զոհեր և տուժածներ չկան:
ՀՀ Արտակարգ իրավիճակների նախարարություն
