Արտակարգ իրավիճակների նախարարությունում տեղի է ունեցել հերթական խորհրդակցություն
Մարտի 10-ին Արտակարգ իրավիճակների նախարարությունում տեղի է ունեցել հերթական ամենշաբաթյա խորհրդակցությունը, որը վարել է ԱԻ նախարար Արմեն Երիցյանը:
Փրկարար ծառայության տնօրենի տեղակալ, փ/ծ գեներալ-մայոր Վ. Գաբրիելյանը զեկուցեց շավաթվա ընթացքում գրանցված արտակարգ պատահարների և իրականացված միջոցառումների վերաբերյալ: Շարունակվում են ԱԻՆ միասնական տեխնիկական բազայի շինարարական աշխատանքները:
ԱԻ նախարարին զեկուցվեց, որ հանրապետության տարածքում մարտական վիճակի են բերվում հակակարկտային կայանները:
Ամենշաբաթյա խորհրդակցությանն առցանց մասնակցող ԼՂՀ փրկարար ծառայությունը և մարզային փրկարարական վարչությունները զեկուցեցին շաբաթվա ընթացքում գրանցված պատահարների և մարզերում ստեղծվող ճգնաժամային կառավարման կենտրոնների շինարարական աշխատանքների ընթացքի վերաբերյալ:
ՀՀ Արտակարգ իրավիճակների նախարարություն
