2013 թվականին աշխարհում վաճառվել է 1.9 միլիոն «խելացի» ժամացույց
Ուկրաինական UNIAN լրատվական գործակալության փոխանցմամբ՝ 2013 թվականին համաշխարհային շուկայում «խելացի» ժամացույցների վաճառքը կազմել է 1.9 միլիոն, որից 1.2 միլիոնը (61 տոկոս) մշակվել է Android օպերացիոն համակարգի բազայի վրա: Այս մասին նշված է Strategy Analytics ընկերության վերլուծական հաշվետվությունում:
Դրանում նշված է, որ ներկա դրությամբ «խելացի» ժամացույցների վաճառքի տեմպերը բարձր չեն, ինչը կապված է նրա հետ, որ այդ սարքերի շուկան դեռ նոր է ստեղծվում: Կանխատեսվում է, որ ապագայում «խելացի» ժամացույցները մեծ հանրաճանաչություն կվայելեն աշխարհում, իսկ դրանց վաճառքը զգալի առաջընթաց կունենա:
