Արմավիրում «ԲՄՎ»-ն դուրս է եկել ճանապարհից և հայտնվել չգործող շատրվանում. կան տուժածներ

Հունվարի 29-ին, ժամը 23.22-ին տեղեկատվություն է ստացվել, որ Արմավիրի մարզի Արմավիր քաղաքի քաղաքապետարանի մոտակայքում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում «ԲՄՎ» մակնիշի 34SV326 պետհամարանիշի ավտոմեքենան դուրս է եկել ճանապարհի երթևեկելի հատվածից և հայտնվել չգործող շատրվանում, ինչի հետևանքով 1984թ. ծնված Մ. Հ.-ն, 1992թ. ծնված Մ. Ա.-ն, 1986թ. ծնված Բ. Ա.-ն թեթև մարմնական վնասվածքներով տեղափոխվել են Արմավիր քաղաքի ԲԿ. բժիշկները տուժածների առողջական վիճակը գնահատել են բավարար: Դեպքի վայրում են գտնվել «1-03» ծառայության աշխատակիցները:

Արտակարգ իրավիճակների նախարարություն