Սիրիական ընդդիմությունը պատրաստ է կալանավորել Սալիմ Իդրիսին
Ռուսական ИТАР-ТАСС լրատվական գործակալության փոխանցմամբ՝ Սիրիայի ապստամբները Թուրքիա փախած «Հեղափոխության բարձրագույն ռազմական խորհրդի» ղեկավար Սալիմ Իդրիսին մեղադրել են կոռուպցիոն գործունեություն ծավալելու մեջ:
Սիրիական ազատ բանակի ու ապստամբական ուժերի համատեղ հրամանատարության անունից հրաման է արձակվել նրան կալանավորելու մասին, եթե նա վերստին հայտնվի Սիրիայում: Իդրիսին կասկածում են զենքի ու զինամթերքի առևտրով զբաղվելու և դրանք ծայրահեղական խմբավորումներին վաճառելու մեջ:
Կալանավորվելու ու ազատազրկվելու վտանգը սպառնում է նաև նրա օգնականին: Նշվում է, որ Իդրիսը հինգշաբթի Ստամբուլում հանդիպել է ամերիկացի դիվանագետ Ռոբերտ Ֆորդի հետ, ով ուղղորդում է սիրիական ընդդիմության գործունեությունը:
